အချစ်နှင့် သူ၏အမည်

Monday, December 28, 2009



အချစ် နှင့် သူ၏ အမည်
စာစု(၁)





သည်တစ်ခါကျွန်တော်တင်ပြချင်တာက (ဆရာကျွန်တော်နဲ့ဒီမိန်းကလေးနဲ့ အဆင်ပြေမလား မပြေမလား၊ ဆရာ သမီးနဲ့သမီးချစ်သူနဲ့ အဆင်ပြေမပြေသိချင်လို့ပါ။) စသည်ဖြင့် မေးလေ့ရှိသူတွေအားလုံးအတွက် ရည်ရွယ်ပါတယ်။ နဲနဲဂွကျတာကတော့ ဒီကဏ္ဍကရေးမယ်ဆိုရင် စုစုပေါင်းဆောင်းပါးပေါင်း ၆၄ပုဒ်ရေးရမယ့် အနေအထားဖြစ်ပြီး ..အတိုချုပ်နိုင်သမျှ စာကိုလျော့ပစ်မယ်ဆိုရင်တောင် အနဲဆုံး ပုဒ်ရေ ၂၀ကျော် ရေးရမယ် ထင်ပါတယ်။ မလွယ်ပါ။

နောက်တစ်ခုက ကျွန်တော်ကိုယ်တိုင်ကလည်း လက်တွေ့တိုက်ဆိုင်တွေ့မြင်ရသောအကြိမ်ရေများအရ အချို့ကို သေချာတပ်အပ်ဖော်ပြရေးသားနိုင်ပြီဖြစ်သော်လည်း အချို့ကိုမူ အတွေးဖြင့် ခန့်မှန်းရုံမျှသာ ခန့်မှန်းနိုင်သေးခြင်း ဖြစ်သည်။ ယင်းကို အတိအလင်းဝန်ခံအပ်ပါသည်။ ကျွန်တော့်တွင်ပြည့်စုံသောအနေအထားအထိ လေ့လာသု တေသနပြုနိုင်ခြင်းမရှိသေးပါ။ နောင်အခါ ကျွန်တော့်ရည်းမှန်းချက်အတိုင်း T-Group မြန်မာ့ရို့းရာဗေဒင်ပညာ သုတေသနအသင်းကို ထူထောင်နိုင်ခဲ့ပါမူ လက်တွေ့လေ့လာမှုခရီးသည် ပိုမိုပြီးများစွာတွင်ကျယ်လာနိုင်မည်ဟု ထင်ပါသည်။ ကြွားလှချေလား ကြီးကျယ်လှချေလားဟုဆိုလျှင် ဟုတ်ကဲ့ ကြီးကျယ်ပါသည်ခင်ဗျား။ သေးနှပ်လျှင် သိမ်ဖျင်းသွားတတ်သောကြောင့်ဟုသာ ဆိုကြပါစို့။


စကားလမ်းက တစ်ခြားကမ်းကိုဆိုက်တော့မည်။ လိုရာကို ဦးတည်ကြပါစို့။ ယခုကဏ္ဍတွင် စာရေးသူအနေနှင့် နာမည်နှစ်ခုကိုတွဲပြီး ကြည့်ရှုခြင်းကဏ္ဍကိုရေးသားမည်ဖြစ်ပါသည်။ လေ့လာကြည့်ပါခင်ဗျား။ နာမည်အဖျားစာလုံး နာမည်အဖျားစာလုံးဟူသည်မှာ နာမည်၏အဆုံးစာလုံးကိုဆိုလိုပါသည်။ ဥပမာ သိန်းမြင့်တွင် မြင့်သည်အဖျားစာ လုံးဖြစ်သည်။ နွယ်နီထွန်းတွင် ထွန်းသည် အဖျားစာလုံးဖြစ်သည်။ ယင်းအချက်ကိုဦးစွာသိရှိထားရပါမည်။



လူကြီးနှင့်ကလေး အတွဲလေးအကြောင်း



(၁) နာမည်အဖျားစာလုံး စနေနံ(တ၊ထ၊ဓ၊ဒ၊န) နှင့် နာမည်အဖျားစာလုံး တနင်္လာနံ(က၊ခ၊ဂ၊ဃ၊င) ဖြင့် မှည့်ခေါ် ထားသော သူနှစ်ဦး ၏ လက်တွဲရေးကဏ္ဍအကြောင်း။
ဥပမာအားဖြင့် စိုးမြင့်ထွန်း နှင့် ဇင်မီမီကျော်၊ နေထက် နှင့် ယမင်းခင်၊ ၀တ်ရည်တိုး နှင့် မိုးမြင့်ကျော်။
စသည်ကဲ့သုိ့သော အတွဲများ ဖြစ်သည်။


အထက်ပါ လက်တွဲဖော်နှစ်မျိုး၏ လက်တွဲရေးကဏ္ဍသည် ခက်ခဲလှသော ကဏ္ဍတစ်ရပ်ဟုဆိုချင်ပါသည်။
နာမည်အဖျားစာလုံးစနေ သမားတို့သည် လေးနက်စွာလုပ်ဆောင်တတ်ပြီး သူတစ်ပါးကိုဖိအားပေးတတ်သူများ
ဖြစ်နေခြင်း နှင့် နာမည်အဖျားစာလုံးတနင်္လာသမားတို့မှာ ပေါ့ပေါ့ပါးပါးနေထိုင်တတ်မှု အလေးအနက်မတွေးမှု၊
ဖိနှိပ်ချုပ်ခြယ်သည်ကို ကြောက်ရွံ့တတ်ခြင်း စသည်တို့မှာ ဆန့်ကျင်ဘက်အသွင်ကိုဆောင်နေ၏။ ဆူတတ်သူ
ဝေဖန်တတ်သူ နှင့် နားပူမခံနိုင်သူ အပြစ်တင်မှာစိုးသူတို့ လက်တွဲရခြင်းမျိုး ဖြစ်နေတတ်၏။ ထို့ထက်ပိုပြီး ခိုင်း
နှိုင်းဥပမာပေးရပါမူ နာမည်အဖျားစာလုံးစနေသမားများက အနက်ရောင်နှင့် အလားသဏ္ဍန်တူပြီး၊ နာမည်အဖျားစာလုံး တနင်္လာသမားတို့မှာမူ အဖြူရောင်နှင့်အလားသဏ္ဍန်တူပြန်၏။ အဖြူရောင်သမားက
အပေအစွန်းမခံနိုင်သလို အမည်းရောင်သမားကလည်း အရောင်ဖျော့မည်ကိုမလိုလားသော သူများဖြစ်၏။
နာမည်အဖျားစာလုံးတနင်္လာသမား(ခ) အုပ်စု သမားတို့က လွတ်လပ်မှုကိုမြတ်နိုးပြီး ..စိတ်ချမ်းသာမှုကိုရှာလို
ကြ၏။ ပေါ့ပေါ့ပါးပါးနေထိုင်ပြီး အသင်းအဖွဲ့ များနှင့်သာပျော်မွေ့လိုကြ၏။ နာမည်အဖျားစာလုံး စနေနံသမား
(က) အုပ်စုသမားများကမူ ..လူသူနှင့် ကင်းဝေးရာ ဆိတ်ငြိမ်ရာကို ပိုမိုသဘောကျတတ်၏။ အကန့်အသတ်နှင့်
နေထိုင်လုပ်ကိုင် တွေးတော ကြံစည်တတ်၏။ တာဝန်ယူလိုတတ်၏။ ထမ်းလိုတတ်၏။ (ခ) အုပ်စုသမားတို့မှာမူ
တာဝန်ယူလိုစိတ်ထက် ...လွတ်လပ်စွာတွေးတောကြံဆ လုပ်ကိုင်လိုတတ်၏။ ထို့ကြောင့်ပင်လျှင် ယင်းအမည်ရှင်
နှစ်မျိုးမှာ တစ်ယောက်တစ်လမ်းဆီကဲ့သို့ ...လျှောက်လှမ်းမညီနိုင်အောင် ကွာဟနေရတတ်ပေသည်။

ထို့ကြောင့် ယခု အတွဲကို လူကြီးနှင့်ကလေးအတွဲ ဟု အမည်ပေးလိုက်ပါသည်။



လူကြီး နှင့် လူငယ်အတွဲ အကြောင်း




(၂) ဒီတစ်ခုကတော့ နာမည်အဖျားစာလုံး တနင်္လာ နဲ့ နာမည်အဖျားစလုံး ကြာသာပတေး ရှိသူတို့အတွဲနဲ့ပတ်
သက်တဲ့အကြောင်းဆိုပါတော့။ ဒီအတွဲကိုတော့ လူကြီးနှင့်လူငယ်အတွဲလို အမည်ပေးလို့ရမယ်ထင်ပါတယ်။
ဥပမာအားဖြင့် ဒီလိုနာမည်ရှင်အတွဲမျိုးတွေဆိုပါတော့။
မိုးမြင့် နှင့် သူဇာခင်၊ ကျော်ကျော် နှင့် မူယာဖြိုး၊ နီလာခိုင် နှင့် မင်းမင်း၊ ဇော်သန့်ကို နှင့် မျိုးမမ စသည်အားဖြင့်
အတွဲလေးတွေဆိုကြပါစို့။
နာမည်အဖျားစာလုံး ကြာသာပတေး (ပ၊ဖ၊ဗ၊ဘ၊မ) (က)အုပ်စု နှင့်
နာမည်အဖျားစာလုံး တနင်္လာ (က၊ခ၊ဂ၊ဃ၊င) (ခ) အုပ်စု တို့အကြောင်း .......................


ဒီအတွဲကတော့ မဆိုးဘူးလို့ဆိုနိုင်ပါတယ်။ (က)အုပ်စုလို့ နာမည်ပေးထားတဲ့ နာမည်အဖျားစာလုံးကြာသာပတေးသမားတွေက သဘောထားကြီးတတ်တာများပြီး သူတစ်ပါးကို ကယ်တင်လို
ဖေးမပေးလိုတဲ့ စရိုက်လည်း အနဲနဲ့အများရှိကြသူတွေမို့ ...ကလေးဆန်တဲ့ (ခ)အုပ်စု နာမည်အဖျားစာလုံးတနင်္လာသမားတွေကို ခွင့်လွှတ်သီးခံပေးနိုင်ကြတာများပါလိမ့်မယ်။ (က)အုပ်စုသမားတွေ
က....ကြီးကြီးမားမားတွေးတောကြံစည်တတ်ပြီး၊ (ခ) အုပ်စုသမားတွေက ..တစ်ခါတစ်ခါ ကလေးကလားလုပ်ကိုင်
တတ်တာတစ်ခုတော့ ပြောစရာရှိပါတယ်။ ဒါပေမယ့်လည်း အများစုကတော့ အဆင်ပြေတဲ့အတွဲလို့ ဆိုနိုင်ပါတယ်။ ပညာပေးလိုသူနဲ့ ပညာယူလိုသူအတွဲမျိုးလည်းဖြစ်ပါလိမ့်မယ်။ အားငယ်တတ်သူ နဲ့ အားပေးတတ်သူအတွဲလို့လည်းဆိုနိုင်ပါတယ်။ လွတ်လပ်မှုကို ကြိုက်တဲ့သူတွေနဲ့ နားလည်ပေး သဘောထားကြီးပေးနိုင်သူ အတွဲမို့ 70%လောက်သင့်တယ်လို့ဆိုနိုင်ပါတယ်ဗျား။



ချမ်းမြေ့ကြပါစေ။

သုတေသီ ဝေသာလီမောင်ဖုန်း။

waitharlimgphone@gmail.com
Post a Comment
 

Posts Comments

©2006-2010 ·TNB