အသက်ကလေးရယ်တဲ့ရှည်စေလို စာစု(၁)

Friday, January 1, 2010


အသက်ကလေးရယ်တဲ့ရှည်စေလို

ယခု ဆောင်းပါးသည် လက်ဆန်း ဗေဒင်ပညာကို အခြေခံမျှဖြစ်စေ တီးမိခေါက်မိ ရှိထားမှ ဖတ်ရတွက်ရ ဆင်ခြင်ရ လွယ်ကူစေမည့် ဆောင်းပါးမျိုး ဖြစ်ပါသည်။ ထို့အပြင် ယောနိသောမနသိကာရ ကို နှလုံးသွင်းနိင်ပြီး တင်ကြိုတွက်ချက် သိထားလျှင် အကျိုးရှိစေနိုင်မည်ဟု ထင်ပါသည်။

အသက်ကလေးရယ်တဲ့ ရှည်စေလို ဆိုလို့ အသက်ရှည်ဆေး ယတြာအကြောင်းဟု မထင်လိုက်ပါနှင့်။ မဟုတ်ရပါ။ အသက်မတိုအောင် သတိထားပြီး နေထိုင်တတ်စေရန် သတိပြုအပ်သော ကာလများ အခြေအနေများကို တင်ပြလိုခြင်းသာ ဖြစ်ပါသည်။ ယခုကျွန်တော် တင်ပြမည့် အချက်များသည် လူတစ်ယောက်တွင်ကြုံတွေ့လာရတတ်သော အသက်ရှင်သန်မှုကို ထိခိုက်စေနိုင်သော အနေအထားများ ကို ဗေဒင်ပညာရပ်ဆိုင်ရာ ရှုထောင့်မှ တင်ပြသွားခြင်း ဖြစ်သည်။

အသက်ဘေးဟု....တွင်လည်း လုံးဝသေကြေပျက်စီးသည့် အနေအထားကိုချည်းဆိုလိုခြင်းကား မဟုတ်ပါ။ မကျမ်းမမာဖြစ်ခြင်း ၊ အလွန်အမင်း
ပင်ပန်းနွမ်းနယ်ရခြင်း၊ မကြာခဏချုချာခြင်းမျိုးမှ အစ.အသက် သေဆုံးသည်အထိ မိမိတို့ကံ စိတ် ဥတု အာဟာရ နှင့် အားလျော်စွာ အတိုင်းအတာ ပမာဏကွဲပြားသော အခြေအနေအားလုံးကို ဆိုလိုပါသည်။ ယခုဆောင်းပါးကို စိုးရိမ်သောက ပူပန်ကြောင့်ကြတတ်ပါက မဖတ်သည်က ပိုကောင်းပါမည်။ စာရေးသူအနေနှင့်မူ ...သတိပြုအပ် သော အသက်ပိုင်းများ .၊ ကျန်းမာရေးကို ပိုမို ဂရုစိုက်ရန် လိုအပ်သော အချိန်ကာလများကို စာရှုသူများ သိရှိထား ခြင်းအားဖြင့် ကြိုတင် ကာကွယ်ခြင်းအားဖြင့် အကောင်းဆုံးသောအနေအထား ဖြစ်စေလိုခြင်းကြောင့် ရည်ရွယ်ရေး သားရခြင်း ဖြစ်ပါသည်။

မြန်မာ့ဗေဒင်ပညာရပ်တွင် အသက်ပြတ်တတ်သော ကိန်းပေါင်းများစွာ တွက်နည်းပေါင်းများစွာ ရှိပါသည်။ အလွန်မှန်သောနည်းများရှိသလို မှန်တစ်ဝက်လွဲတစ်ဝက်နည်းများလည်း ရှိပါသည်။ စာရေးသူ ယခုတင်ပြမည့် နည်းစနစ်တို့မှာ အဆိုပါနည်းများ နှင့် မသက်ဆိုင်ပါ။ စာရေးသူ၏ အတွေ့အကြုံနှင့် အထပ်ထပ် တိုက်ဆိုင်စစ်ဆေးတွေ့ ရှိချက်များအရ ..(စာရေးသူ၏အမြင်သက်သက်ဖြင့်သာ) ရေသားဖော်ပြသွားခြင်းဖြစ်ပါသည်။ သာမန်လူများအဖို့ အလွယ်တစ်ကူဖတ်ရှုသွားရုံသာဖြစ်သော်လည်း ပညာလေ့လာ လိုက်စားနေသူများအဖို့မူ ...စဉ်းစားဖွယ်ရာ .. လက်တွေ့စစ်ဆေး လေ့လာ ကြည့်ကြပါလေကုန်။


လက်တွေ့ သုတေသနပြုတွေ့့ရှိချက် (၁)

လူတစ်ယောက်၏ အသက်ကို ၇ ဖြင့်စား။ အကြွင်းကို သေသ၀ိဇ္ဇာတိုင်ထူပါ။ မွေးနံသည် တြိရန်းကို ရောက်ရှိချိန် ဖြစ်သော အသက်ပိုင်းများသည် ပြင်းထန်စွာနာမကျန်းဖြစ်ခြင်း၊ တစ်ချောင်ချောင် တစ်အီအီဖြစ်တတ်ခြင်း၊ ရောဂါဘယစွဲကပ်တတ်ခြင်း၊ သေဆုံးခြင်း၊ အိုးပစ်အိမ်ပစ် အဝေးသို့ ထွက်ခွာသွားရတတ်ခြင်း စသည်အားဖြင့် .........တစ်ခုမဟုတ် တစ်ခု ဖြစ်ပွားတတ်ချိန်ဖြစ်သည်။


လက်တွေ့သုတေသနပြုတွေ့ရှိချက် (၂)

မူလ မဟာဘုတ်တိုင်ထူပါ။ သက်ဆိုင်ရာဇာတာရှင်၏ မွေးနံ အရ ဖြစ်ပေါ်လာသောအာယုဂြိုဟ်ကို မှတ်သားပါ။ အဆိုပါအာယုဂြိုဟ် သည် သက်ဆိုင်ရာဇာတာရှင်၏ မူလမဟာဘုတ်တွင် မည်သည့်ဌာနတွင် ရပ်တည်သည်ကိုကြည့်ပါ။ ပြီးလျှင် ယင်းအာယုဂြိုဟ်နှင့် ပက္ခမိနေသောဂြိုဟ်ကို ဆက်လက်မှတ်သားပါ။ အဆိုပါ ပက္ခမိနေသောဂြိုဟ်၏ သက်ရောက်ကာလဖြစ်သော အသက်ပိုင်းတွင် ကျန်းမာရေးကို ထိခိုက်စေတတ်သည်။ အသက်ရှင်သန်မှုကို အားနည်းစေတတ်သည်။

ဥပမာအားဖြင့် သုံးခုကြွင်း သောကြာသားသမီးတစ်ဦးတွင် ၄င်း၏အာယုဂြိုဟ်ဖြစ်သော ..တနင်္ဂနွေသည် ရာဇဌာနတွင် ရပ်တည်ပြီး သိုက်ဌာနရှိကြာသာပတေးနှင့် ပက္ခမိလျှက်ရှိသည်ကို တွေ့ရမည်ဖြစ်သည်။ ထို့ကြောင့် ကြာသာပတေးသက်ရောက်ချိန်ဖြစ်သော် အသက်ပိုင်းများဖြစ်သည့် အသက်အားဖြင့် ၇နှစ်၊ ၁၅နှစ်၊
၂၃နှစ်၊ ၃၁နှစ်၊၃၉နှစ်၊၄၇နှစ်၊၅၅နှစ်၊ ၆၃နှစ်၊ ၇၁နှစ်၊၇၈နှစ်၊၈၆နှစ် ကာလများသည် ...ကျန်းမာရေးကို ထိခိုက်မှု
အနဲနှင့် အများ ဖြစ်ပွားလာနိုင်ကြောင်း သိရှိနိုင်ပါသည်။


လက်တွေ့သုတေသန (၃)


ကောဇာ မဟာဘုတ်တိုင်ထူပါ။ ယင်းမဟာဘုတ်တိုင်တွင် မွေးနံ သည် သက်ဆိုင်ရာဇာတာရှင်၏ အာယုဂြိုဟ်ကို ပက္ခမိခြင်းသည် လည်းကောင်း၊ အဆိုပါ ဇာတာရှင်၏ နာမည် အဖျားစာလုံး(အဆုံးစာလုံးသည်) ၄င်းပုဂ္ဂိုလ်၏ အာယုဂြိုဟ်ကို ပက္ခမိထားခြင်းသည်လည်းကောင်း ကျန်းမာရေး နှင့် အသက်ရှင်သန်မှုကို အနှောက်အယှက်ဖြစ်စေ သောအနေအထား ဖြစ်သည်။


ဥပမာအားဖြင့် ၆ခုကြွင်းကောဇာမဟာဘုတ် ကျရောက်သောနှစ်တွင် ..တနင်္လာသားသမီးတို့သည် အာယုဂြိုဟ် ဖြစ်သော အင်္ဂါဖြင့်ပက္ခမိထားသည့်အနေအထား သည်လည်းကောင်း။ ယင်းမဟာဘုတ်ခွင်မှာပင် အင်္ဂါသားသမီး တစ်ဦးဦးသည် နာမည်အဖျားစာလုံး တနင်္ဂနွေဖြစ်သော (ဥပမာအားဖြင့် စိုးအောင်ဟု မှည့်ခေါ်ထားပါက) အာယုဂြိုဟ် ဗုဒ္ဓဟူးကို ပက္ခမိထားသည့် အနေအထား သည်လည်ကောင်း.ကျန်းမာရေးကို ထိခိုက်စေသည့် အနေအထား မျိုးဖြစ်ပါသည်။


အထက်ဖော်ပြပါ လက်တွေ့ သုတေသနပြုချက် အမှတ်(၃) သည် ..စာရေးသူအနေနှင့် ကြိမ်ဖန်များစွာ အတွေ့ရအများဆုံးသော၊ လက်တွေ့များစွာအမြင်တွေ့ရဆုံးသော ..ကိန်းတစ်ခုဖြစ်ပါသည်။ ပညာရပ်ကို အတူတစ်ကွ လေ့လာအားထုတ် နေကြကုန်သော ညီအစ်ကိုမောင်နှမများအားလုံး သတိချပ်ကြပါကုန်။

အခြား လက်ဆန်းဗေဒင်ဆိုင်ရာ ရှုထောင့်များကိုလည်း နောင်အခွင့်အခါသင့်သလို ဆွေးနွေး တင်ပြသွားပါဦးမည်။

ချမ်းမြေ့ကြပါစေ။
သုတေသီဝေသာလီမောင်ဖုန်း။




Post a Comment
 

Posts Comments

©2006-2010 ·TNB