လုံးဝ မမှည့်အပ်တဲ့ အမည်

Monday, January 18, 2010



လုံးဝမမှည့်အပ်တဲ့အမည်

အမှန်ကတော့ ကျွန်တော်သည်ဆောင်းပါးကို ရေးဖို့စိတ်ကူးမရှိခဲ့ပါ။ ဘ၀နောက်ပိုင်းကာလများတွင် သီးသန့် ရေးသားပြုစုရန် အတွက်သာ ရည်ရွယ်ခဲ့ပါသည်။ သို့သော် ...မျက်စိအောက်တွင် မြင်ရပါများလာပြီး၊ ထိုင်ကြည့်နေရသလို စိတ်မချမ်းမသာ ဖြစ်လာသည့်အဆုံးတွင် ရေးရန်ဆုံးဖြတ်ပြီး အောက်ပါ သုတေသနပြုတွေ့ရှိချက် အချို့ကို ရေးသားဖော်ပြလိုက်ရပေသည်။

တစ်လောကဖြစ်ပါသည်။ ဂျီမေးမှတစ်ဆင့် ကောင်လေးတစ်ယောက် ကိုယ့်ကိုယ်ကို ဆွဲကြိုးချပြီး ဆူဆိုက်လုပ်သွားသော သတင်းတစ်ပုဒ်ကို ဓါတ်ပုံများနှင့်အတူ မြင်လိုက်ဖတ်လိုက်ရပါသည်။ အမှန်လား။ ဓါတ်ပုံလှည့်စားချက်လားတော့မသိ။ စိတ်မချမ်းသာစရာကတော့အမှန်ပင်။ အဆိုပါအကြောင်းအရာသည် ကျွန်တော့်ကို ဆောင်းပါးတစ်ပုဒ်ရေးရန် တွန်းအားပေးသောအကြောင်းအရာဖြစ်လာစေသည်မှာလည်း အမှန်ပင်ဖြစ်သည်။ သို့တိုင်အောင် ကျွန်တော်မရေးဖြစ်သေး။ သို့နှင့် အတန်ငယ်ကြာသွားသော နေ့တစ်နေ့တွင် ပြည်ပမှ မိန်းကလေးတစ်ဦး ကျွန်တော့်ဆီဗေဒင်မေး ရောက်လာပါသည်။ နာမည်က သောကြာဖြင့်စပြီး ဗုဒ္ဓဟူးဖြင့် အဆုံးသတ်မှည့် ခေါ်ထားသည်။ သောကြာသမီး ပုတိဖွားလည်း ဖြစ်သည်။ ဖြစ်ရပ် အတိုချုံးကြည့်သော် ဘာမှတော့မဟုတ်ပါ။ သမီးရည်းစားကိစ္စ အဆင်မပြေမှုကို လာမေးခြင်းသာဖြစ်သည်။ သူ့ကောင်လေးက အခြားတိုင်းပြည်တစ်ပြည်တွင် ရောက်နေသည်။ သူမကို အဆက်သွယ်ဖြတ်သွားသည်ဟု ဆိုသည်။ ပြန်အဆင်ပြေချင်သဖြင့် အဆက်အသွယ် ရခြင်သဖြင့် စိတ်ပင်ပန်းနေသည့် ကလေးမဖြစ်သည်။ ဆန်းတာကတော့ တစ်ခြားမဟုတ်။ မယ်မင်းကြီးမက ...သူ့လက်ကိုသူ ဓါးဖြင့်မွှန်းထားပြီး ဂျီတော့ခ်တွင် ထိုပုံကို တင်ထားခြင်းဖြစ်သည်။ မလုပ်သင့်ကြောင်းပြောသည့် တိုင်အောင်တော်တော်နှင့် လက်မခံပေ။

ကျွန်တော့်စိတ်ထဲတွင် ဆောင်းပါးကို ရေးမှဖြစ်တော့မည်ဟု ဆုံးဖြတ်မိပါတော့သည်။ ဖြစ်နိုင်သမျှ ရင်သွေးမိဘများ ဖတ်မိသည်ရှိသော် အကျိုးတစ်စုံတစ်ရာ ဖြစ်စေလိုသည့်အတွက်ရည်းစူးရေးသားလိုက်ရခြင်း
လည်းဖြစ်ပါသည်။

ကိုယ့်ကိုယ်ကိုဖျက်သံချေးတက်သော အမည်များ သို့မဟုတ် အမည်အဖျားစာလုံးနှင့် ပက္ခမိသော မွေးနံဂြိုဟ်

ယခုဆောင်းပါးကို သေသေချာချာနားလည်လိုပါက မဟာဘုတ်ခွင်ချနည်းမျှ နှင့် ပက္ခမိတတ်ပုံကို အနဲအကျဉ်းမျှ ဖြစ်စေ နားလည်နေဖို့ လိုပါသည်။ သို့မှသာလျှင် မိမိတို့ရင်သွေးနာမည်များ၊ မိမိတို့၏နာမည်များမှအစ နီးစပ်ရာ လူတို့၏ နာမည်နှင့် မဟာဘုတ်ဇာတာများကို တွက်စစ် လေ့လာကြည့်ပြီးလက်တွေ့ အားဖြင့် သိရှိနားလည် ပိုမို သဘောပေါက်လာနိုင်ပါမည်။

သက်ဆိုင်ရာဇာတာရှင်တစ်ဦးတစ်ယောက်၏ မွေးခုနှစ်သက္ကရာဇ် အရ တွက်ချက်ရယူနိုင်သော မူလမဟာဘုတ် ဇာတာခွင်တွင် အဆိုပါ ဇာတာရှင်၏အမည်အဖျားစာလုံး (၀ါ) အမည်အဆုံးစာလုံးသည် အဆိုပါဇာတာရှင်၏ မွေးနံ ဂြိုဟ်နှင့် ပက္ခ မိနေခဲ့ပါမူ ယင်းဇာတာရှင်သည် သူ့ ကိုယ်သူနစ်နာထိခိုက်အောင် သူကိုယ်တိုင်ပင် ပြုလုပ် မိစေရန် တွန်းအားပေးစေသော အနေအထားတစ်ရပ်ဖြစ်သည်။

ယင်းအချက်ကို စာရေးသူအနေနှင့် နှစ်ပေါင်းများစွာ လေ့လာခဲ့ သုတေသနပြုခဲ့ရပါသည်။ အဖန်ဖန်တွေ့ ရပါများလာသည့်အပြင် အထက်ဖော်ပြသည့်အတိုင်း ရေးသားရန်အကြောင်းများ ပေါ်ပေါက်လာခဲ့ခြင်းကြောင့် ဖော်ထုတ် ရေးသားပေးလိုက်ခြင်းလည်း ဖြစ်ပါသည်။ ယခုရေးသားတင်ပြရာတွင် အမှန်အားဖြင့်မူ ဥပမာ ဇာတာခွင်များ မဟာဘုတ်ခွင်များဖြင့် ဝေေ၀ဆာဆာ ဖော်ပြသင့်ပါသည်။ သို့သော်စာရေးသူ၏ လက်ရှိ အနေအထားအရ နည်းပညာပိုင်းဆိုင်ရာ အားနည်းချက်အချို့ ကြောင့် သဘောတရားအနှစ်ချုပ်ကိုသာ ရေးသားဖော်ပြပေးနိုင်ပါမည်။ မိမိတို့ဘာသာ မဟာဘုတ်ခွင်ချကြည့် ၊ လေ့လာကြည့်ကြပါဟုသာ တိုက်တွန်းလိုက်ရပါသည်။

စာရေးသူအနေနှင့် မိမိကိုယ်ကို ထိခိုက်နစ်နာအောင်ပြုမှု အားထုတ်မိစေနိုင်သော အဆိုပါကဲ့သို့နာမည်မှည့်ခြင်း မျိုးကို အတတ်နိုင်ဆုံး လုံးဝရှောင်ရှားစေလိုပါသည်။ သိလို့ဖြစ်စေ မသိလိုဖြစ်စေ မှည့်မိခြင်းအားဖြင့် မည်သို့မှပင် အကျိုးမမြင်ပါ။

အထက်ဖော်ပြပါ မိမိလက်ကိုဓါးနှင့်မွှန်းသော ကလေးမကိုပင် ဥပမာကြည့်ကြပါစို့။ မွေးနံအရ သောကြာသမီးဖြစ်ပြီး မဟာဘုတ်ခွင်အရ သူမမှာ ငါးခုကြွင်းဖွား ပုတိဖွားသောကြာ လည်းဖြစ်သည်။ အမည်မှာ သောကြာစ ဗုဒ္ဓဟူးအဆုံးသတ်ပြီးမှည့်ခေါ်ထားသည်။ ဗုဒ္ဓဟူးသည် ဇာတာရှင် သောကြာသမီးအတွက် မေတ္တာရေးရာ ချစ်မှုရေးရာကို ဖော်ညွှန်းနေသော ဆပွတ်ဂြိုဟ်လည်းဖြစ်သည်။ အဆိုပါဂြိုဟ်သည်သည် အထွန်းဌာနမှ နေပြီး ပုတိဌာနရှိ ဇာတာရှင်၏မွေးနံကို ပက္ခမိထားသည်။ ဆပွတ်ဂြိုဟ်ကြောင့် မွေးနံတွင် အားနဲထိခိုက်စေနိုင်သော အနေအထားကို ဖြစ်ပေါ်လာစေသည်။ တနည်းအားဖြင့် မေတ္တာရေးရာကြောင့် မိမိကိုယ်ကို မိမိထိခိုက်စေနိုင်သောအနေအထားကို ဖြစ်ပေါ်လာစေသည်။ အဘယ်ကြောင့် မိမိကိုယ်ကိုမိမိဟု ဆုံးဖြတ်ရပါသနည်း။

လူတစ်ယောက်၏ နာမည်အဖျားစာလုံးသည် ထိုလူတစ်ယောက်၏ ရည်ရွယ်ချက် လုပ်ပုံကိုင်ပုံ၊ ဦးတည်ချက်
ရှေးရှု လုပ်ဆောင်ချက်များကိုဖြစ်ပွားစေသောကြောင့်ဆုံးဖြတ်ရပါသည်။ မည်သည့်ဂြိုဟ် အမျိုးအစားပင်ဖြစ်စေ နာမည်အဖျား စာလုံးအနေအထားဖြင့် မူလမွေးနံကို ပက္ခမိခဲ့ပါမူ ယင်းအခြေအနေသည် သက်ဆိုင်ရာ အမည်ရှင်အား ထိခိုက်နစ်နာစေနိုင်သော မိမိကိုယ်မိမိ ဖျက်ဆီးမှုပြုစေတတ်သော အနေအထား အခြေအနေတစ်ရပ်ဟု စာရေးသူအနေဖြင့် သတ်မှတ်ပါသည်။

ပက္ခမိခဲ့သောဂြိုဟ်၏အမျိုးအစားပေါ်လိုက်ပြီး ဇာတာရှင်အနေဖြင့် မိမိကိုယ်မိမိ ထိခိုက်နစ်နာစေသော အနေအထားတို့ကို ပြုမူမိစေတတ်ပါသည်။ အထူးသဖြင့် ပါပထိပ်သီးများဖြစ်သော အင်္ဂါနှင့်စနေနှင့်ရာဟုသည် ပက္ခမိခြင်းအားဖြင့် ဇာတာရှင်အားဆိုးကျိုးဖြစ်စေရာတွင် လက်သံပြောင်သောဂြိုဟ် များဖြစ်ကြသည်။ ရာဟုနှင့်ပက္ခမိခြင်းသည် ဇာတာရှင်အား မိမိကိုယ်မိမိ ခြေဦးတည်ရာ သွားလာနေထိုင်မှုပြုစေရန် တွန်းအားပေးခြင်းမျိုး၊ အဆိပ်သောက်သေခြင်းမျိုးအထိ တွန်းအားပေးတတ်သည်။ စနေနှင့်ပက္ခမိခြင်းသည်
မိမိကိုယ်မိမိ အပြစ်ပေးခြင်း၊ ဒဏ်ခတ်ခြင်းမျိုးကို နှစ်သက်စေတတ်သည်။ အင်္ဂါနှင့်ပက္ခမိခြင်းသည် မိမိကိုယ်မိမိသွေးထွက်သံယိုအနာတရဖြစ်အောင် ပြုလုပ်ရန်အတွက် အထူးလှုံ့ဆော်မှုပြုတတ်သော အနေအထားဖြစ်သည်။ ထို့အတူအခြားဂြိုဟ်များသည်လည်း ဆိုင်ရာအင်အားအလိုက် ဆိုးကျိုးပြုနိုင် သည်သာဖြစ်သည်။

ထို့အတူပက္ခမိနေသောဂြိုဟ်၏ ကာရကသဘော၊ သဘာဝသောမ ပါပ သဘော၊ မိတ်ရန်သဘော၊ မူလမွေးနံအရ ဆက်နွယ်မှုသဘော အားလုံးသည် လည်း ၊ အဆိုပါ ထိခိုက်နစ်နာအောင်ပြုလုပ်မိသည့်အကြောင်းအရာ အမျိုးအစားကို ခွဲခြမ်းစိတ်ဖြာသည့်အခါ ထည့်သွင်းစဉ်းစားရန်လိုအပ်သော အချက်များဖြစ်ကြသည်။

ပညာလိုက်စားနေသူများအနေနှင့်လည်း မိမိတို့လက်လှမ်းမီရာ တို့ကို လေ့လာအကဲခတ် ကြည့်စေလိုပါသည်။
အရွယ်မတိုင်သေးမီမှာပင် ဆယ်ပြားစေ့မျိုချမိသဖြင့် အသက်ဆုံးရှုံးရသော ကလေး၊ ရေနစ်သေဆုံးသူ ၊ ဆွဲကြိုးချသူ၊ ဆေးလိပ် အလွန်အကျွံသောက်ခြင်းကြောင့် ဘေးဥပဒ်ဖြစ်ရသူ ၊ အရက်ကြောင့် နစ်မွန်းရသူ စသည်ဖြင့် ....များစွာကို တွေ့ရတတ်ပါသည်။ စာရေးသူ၏ဆန္ဒအလိုအရ လုံးဝမမှည့်အပ်သော အမည်များဟုသာ ဆိုချင်ပါတော့သည်။

ရောက်ဆဲမြန်မာခုနှစ်အတွင်း မွေးဖွားမည့် ကလေးသူငယ်များအတွက် ... အောက်ပါတို့ကို အလွယ်တစ်ကူကြည့်ရှု ရှောင်ကျဉ်နိုင်စေရန် ရေးသားဖော်ပြပေးလိုက်ပါသည်။ နှစ်စဉ်လည်း ရေးသား ဖော်ပြပေးပါမည်။

ယခုရောက်ဆဲကောဇာမြန်မာခုနှစ် ၁၃၇၁ခုနှစ်အတွင်း မွေးဖွားသော ကလေးသူငယ်များအတွက် ဆိုင်ရာနေ့နံ
သားသမီးအလိုက် မမှတ်အပ်သော ရှောင်ရန်နာမည်အဖျားစာလုံးများကိုရေးသားဖော်ပြပေးအပ်ပါသည်။

တနင်္ဂနွေနေ့ဖွားရင်သွေးငယ်များ ရှောင်ရန် နာမည်အဖျားစာလုံး ဗုဒ္ဓဟူးနံ (ယ၊ရ၊လ၊၀)

တနင်္လာနေ့ဖွားရင်သွေးငယ်များ ရှောင်ရန် နာမည်အဖျားစာလုံး အင်္ဂါနံ(စ၊ဆ၊ဇ၊ဈ၊ည)

အင်္ဂါနေ့ဖွားရင်သွေးငယ်များ ရှောင်ရန် နာမည် အဖျားစာလုံး တနင်္လာနံ(က၊ခ၊ဂ၊ဃ၊င)

ဗုဒ္ဓဟူးနေ့ဖွားရင်သွေးငယ်များ ရှောင်ရန် နာမည်အဖျားစာလုံး တနင်္ဂနွေနံ(အ၊ဥ)

ကြာသာပတေးနေ့ဖွားရင်သွေးငယ်များ ရှောင်ရန် နာမည်အဖျားစာလုံး စနေနံ (တ၊ထ၊ဓ၊ဒ၊န)

သောကြာနေ့ဖွားရင်သွေးငယ်များ ရှောင်ရန် နာမည်အဖျားစာလုံး သောကြာနံ(သ၊ဟ)

စနေနေ့ဖွားရင်သွေးငယ်များ ရှောင်ရန် နာမည်အဖျားစာလုံးကြာသာပတေးနံ(ပ၊ဖ၊ဗ၊ဘ၊မ)


ချမ်းမြေ့ကြပါစေ။
ကိုစိုးမိုးထွန်း(ဗေဒင်ပညာသုတေသီ)
kosoemoetun13@gmail.com

Post a Comment
 

Posts Comments

©2006-2010 ·TNB