ကျွန်တော်ပြောချင်သော ဗေဒင်အကြောင်း....စာစု(၁)
(၁) ဗေဒင်မေးခြင်း နှင့် ဖြေခြင်း
ဗေဒင်မေးခြင်း ဆိုတာလူတစ်ယောက်အတွက်လိုအပ်ပါသလား။ လိုအပ်ပါတယ်။ ဒီလိုပါပဲ.....မလိုပါ။ ကျွန်တော်ကိုယ်တိုင်လည်း တစ်ခါတစ်လေ လိုအပ်ပြီး တစ်ခါတစ်လေ မလိုအပ်လို့ခံစားမိပါတယ်။ ရိုးသားစွာဝန်ခံရရင်တော့ ..သံသရာမှလွတ်မြောက်ရာအကြောင်းအရင်းမှန်မဟုတ်တဲ့ အပရိကပညာရပ် တွေ သာဖြစ်ပါတယ်။ သို့စဉ်တိုင်အောင် ဒီအပရိကပညာရပ်ကိုပဲ ကျွန်တော်ချစ်မြတ်နိုးနေမိပါတယ်။ ဒီအပရိကပညာရပ်ဟာ သံသရာမှ မလွတ်မြောက်သေးမီစပ်ကြားမှာတော့ ၊ တနည်းအားဖြင့် ကျင်လည်နေသေး
သမျှကာလမှာတော့ လိုအပ်နေဦးမှာပါပဲ။ ဟောလို့လည်းရနေဦးမှာပါပဲ။
ဖြစ်ကြောင်းတိုလို့ မရှိတော့ဘူးဆိုတဲ့အချိန်မြတ်ကိုရောက်ရှိရင်ဖြင့် ..ကံပြတ်ပြီမို့ ကံဖတ်စရာလည်းမလိုတော့ပါ။ ဖတ်လို့လည်းမရတော့ပါ။ အားလုံးကုန်ဆုံးချုပ်ငြိမ်း..ဇာတ်သိမ်းလိုက်ပြီကိုး။ ခုတော့ဖြင့်. ဒုက္ခနဲ့ပျော်နေသေး တော့ ဒုက္ခအကြောင်းကိုလည်းသိဖို့လိုလာသလို ...ကျောဘက်ကနာတော့ ရင်ဘက်ကလှည့်ခံ၊ ရင်ဘက်ကနာတော့ ကျောဘက်ကစောင်းခံနဲ့....ဒုက္ခကို တစ်ရစပ်ခံဖို့ နည်းအမျိုးမျိုးကြံနေရသေးတာပါပဲ။ သက်သာရာသက်သာကြောင်းရယ်လို့ ...ဆိုပါစို့ရဲ့ဗျာ။
ဗေဒင်မေးခြင်းကို ဖြေတဲ့အခါမှာ အကုသိုလ်မဖြစ်အောင် အတော့အတော်လေးကိုမှ ဂရုစိုက်ရပါတယ်။
ဆရာ..သူနဲ့ကျွန်မ အဆင်ပြေနိုင်ပါ့မလား။ သူက သစ္စာရှိပါ့မလား။ ကဲ.......မေးလာပါပြီတဲ့။ ဖြေချလိုက်တယ်။
ဟာကောင်းတယ် သင့်တယ်။ လက်တွေ့မှာ ရလည်းရရော မယားငယ်ပွစိတက်အောင်ယူပါလေရော။ ငိုချင်းချရ
ပြီ မေးတဲ့သူမှာ။ လာခဲ့အကုသိုလ်။
ဟာမကောင်းဘူး မသင့်ဘူး ။ ဝေးဝေးရှောင်။ ဖြေလိုက်ပါပြီထား။ ကောင်လေးခမြာ... ကောင်မလေးဖြတ်တာခံရ
လို့ ဖြတ်ဖြတ်လူး။ အရက်မူး။ စာမေးပွဲကျ။ ရန်ဖြစ်။ အိမ်နဲ့အဆင်မပြေ ဒုက္ခပွေ။ လာခဲ့အကုသိုလ်။
ကျွန်တော်တို့တစ်တွေ ဗေဒင်ဆရာတွေပြောပါတယ်။ နေတတ်မှနောာာာာာာာာာာာာ။ မနေတတ်ရင် အကုသိုလ်
တယ်များးးးးးးးးဗျာ။ ဆိုတော့ ....မှန်အောင်တွက်တတ်ရသလို ဟောတတ်ပြောတတ်အောင်လည်းကြိုးစားကြရပါ
တယ်။
တစ်ကယ်တော့ စောစောသေမယ့်ကောင်လေးနဲ့ စောစောမုဆိုးမဖြစ်မယ့်ကောင်မလေး ဆုံဆည်းကြ..
မိတာပါ။ သူကြွယ်ဇာတာပါတဲ့ကောင်လေး နဲ့ မင်းကတော်စိုးကတော်ယုဂ်လက္ခဏာ ပါတဲ့ကောင်မလေးဆုံဆည်း
မိကြတာပါ။ ဘာမှရယ်တော့မဟုတ်လှပါဘူး။ ဒီအတိတ်ကံအကြောင်းအကျိုးတွေကို ထောက်ဆပြီး ....၊ ပစ္စုပ္ပန်ကံ
တရားဖြစ်တဲ့ ကောင်းမှုကုသိုလ်ကံတို့နဲ့ ...ခုသင့်တာကိုခု၊ ကာသင့်တာကိုကာ၊ သွယ်သင့်သည်ကိုသွယ်၊ စီးသင့်
သည်ကိုစီးဆင်းခိုင်းရတာကတော့ ယတြာပိုင်းဆိုပါတော့။ ဒါတွေကလည်း ဗေဒင်ဆရာတစ်ယောက်ဖြစ်လာရင်
မသိလို့မရ မတတ်လို့မဖြစ်တော့ပြန်ပါဘူး။ တစ်ခုတော့ရှိတယ်။ ကျွန်တော်ကတော့ အမြဲတမ်းလိုလို ....အုန်းပွဲ
ငှက်ပျောပွဲယတြာမျိုးထက်၊ ဖယောင်းတိုင် နံ့သာတိုင်ယတြာမျိုးထက် ......ကာယကံရှင်ကိုယ်တိုင်ပြုလုပ်အား
ထုတ်ရတဲ့ဝေရာဝစ္စကုသိုလ်ယတြာမျိုး၊ ကာယကံရှင်ကိုယ်တိုင်ကျင့်ကြံအားထုတ်ရတဲ့ ယတြာမျိုးကိုသာ နှစ်
ခြိုက်ပြီး မြတ်နိုးမိပါတယ်။
ထားပါတော့ ။ စကားကတ်ိမ်းစောင်းသွားပါပြီ။ ..ဗေဒင်မေးခြင်းအကြောင်းနဲ့ ပတ်သက်လို့ နဲနဲပြောချင်ပါတယ်။
တစ်ချို့က ဗေဒင်မေးကြပါတယ်။ မေးပုံက ဗေဒင်ဆရာကို အတတ်သိသူလို သဘောထားပြီးကိုမေးတာပါ။ ဆရာ
ကျွန်တော်စာမေးပွဲအောင်ပါ့မလားဆရာ ။ အဲဒါမျိုးမေးလာတိုင်း အတော်ကိုမှ ကသိကအောက်ဖြစ်ရပါတယ်။
ကိုယ်ဖြေလာတဲ့စာမေးပွဲ အောင်မအောင်ကိုယ်မှမသိ ဘယ်သူသိမလဲဗျာ။ တစ်ကတည်းမှပဲ.......။ ဗေဒင်မေးစရာလား။ အမယ် တစ်ချို့ က ဆရာမဖြေနိုင်ဘူးလား လို့ ..ကလိပြီးအစ်ထုတ်တတ်သေးသဗျ။ တစ်ခါ
က ရာဟုသားတစ်ယောက် အင်္ဂါအခါမှာ မေးလာဖူးပါတယ်။ မဖြေပါလို့ပြောလိုက်တော့ ....အဲသလိုကလိတယ်
ဗျာ။ ကလိတော့လည်း ညိတော့တာပေါ့ ။ အောင်မြင်ရေးဂြိုဟ်က ချောက်ကမ်းပါးမှာတင်ပြီးနေတဲ့အခါမှာမေး
လာတာမို့ ....အောင်မယ် ပွတ်ကာသီကာလေးအောင်လာတာလို့ဖြေလိုက်ပါတယ်။ အဲဒီ့တော့မှ မှန်ပါတယ်ဆရာ
တဲ့။ တစ်ကယ်တော့ မေးစရာကိုမလိုတဲ့မေးခွန်းမျိုးတွေပါ။ ဖြေလည်းမဖြေချင်ပါ။ အကျိုးလည်းမရှိပါ။ ဘာလုပ်မှာ
လဲ။ ဖြေခဲ့ပြီးပြီပဲ။ ကျချင်ကျမယ်။အောင်ချင်အောင်မယ်။ မဖြေခင်ကတည်းက ဘာလုပ်သင့်တယ်ဆိုတာမျိုးကို
တင်ကြိုအကြံပေးရတာကသာလျှင် အကျိုးရှိပါတယ်။ အကျိုးမရှိမဲ့အလုပ်ကိုတော့ ကျွန်တော်ရော ...မေးသူရော
အချိန်ပုပ်ခံပြီး ဘာကြောင့်လုပ်ရမလဲ ။ ကဲ ......မဟုတ်ဘူးလားဗျာ။
(၂) ဘာလုပ်လို့ရသလဲ ကြိုသိရင်
တစ်ချို့ ကပြောကြပါတယ်။ ဗေဒင်မှန်တယ်ထား။ ကြိုသိထားတော့ဘာလုပ်ရမှာလဲ။ အလကား စိတ်ဆင်းရဲ
ဆရာဟောလိုက်ရင် ကြိုပြီးစိတ်ဆင်းရဲနေရအောင်။ ဘာဘာညာညာ....စသည်ဖြင့်ပေါ့ ပြောကြပါတယ်။ ဒီအ
တိုင်းမှန်သလား။ မမှန်ပါ။ လောကမှာ အသိဆိုတာ အင်မတန်အရေးကြီးပါတယ်။
အသိ....... တနည်းအားဖြင့် သိမှုကလေးတစ်ခုဟာ အင်မတန် တန်ကြေးကြီးပါတယ်။ ဒီသံသရာထဲကိုပဲ မသိမှုနဲ့
စွဲလမ်းမှုနှစ်ခုကြောင့် မိုက်မိုက်မှားမှား ၀င်လာမိကြပြီး၊ သိမှုဥာဏ်စဉ်နဲ့သာ ပြန်ထွက်နိုင်ကြတာပါ။ သိမှု ၊ သိခြင်း
ဥာဏ်ဟာ အင်မတန် တန်ဖိုးကြီးမားလှပါတယ်။ သိမှုနဲလေ ဆင်းရဲလေဖြစ်ပြီး၊ သိမှုများလေ ချမ်းသာလာလေပါ
ပဲ။
အစွဲကြီးအယူမှားအသိမှားတွေကတော့ လူကို အ့ကျိုးမပြုနိုင်ပါဘူး။ နစ်မွန်းစေရုံသာပါ။ ဆိုတော့...ဗေဒင်ဆရာ
တစ်ယောက်ကဟောလိုက်တယ်ထား။ ကဲ.....ခင်ဗျား နောက်သုံးလနေရင် သေမယ် ..ထားပါတော့။ ဒီဟောကိန်း
က ဟောသူကလည်း ထက်မြက်လို့ မှန်ဖို့များတယ်ဆိုပါတော့။ ဘယ်လိုစိတ်ထားသင့်သလဲ။ ကျွန်တော်သာဆိုရင်
တော့ ကြိုပြီး ပြင်ဆင်သင့်တယ်ထင်တာမှန်သမျှ ပြင်ဆင်ထားမှာပါ။ အဟောမှားလို့ပဲ မသေသေ၊ မှန်လို့ပဲ သေ
သေ....ဟောသည့်အတိုင်း သေခဲ့သည်ရှိသော် လုပ်သင့်လုပ်ထိုက်တာတွေကို တင်ကြိုပြီးဥာဏ်ရှိသလောက် ...
လုပ်ကိုင်ထားနှင့်မှာပါ။ အဲဒီ့လိုပဲ တစ်ဖက်ကလည်း ဒီသေကိန်းကို လွှဲရှောင်လို့ရနိုင်သလောက်...ကာကွယ်လို့
ရနိုင်သလောက် ကာကွယ်ဖို့ကြိုးစားသွားမှာပါပဲ။
မသိထားရင် သိထားရင် နှစ်ချက်မှာ ...သိထားပြီးအကျိုးရှိအောင်လုပ်နိုင်ရင် အကျိုးရှိပါမယ်ခင်ဗျား။
(၃) မေတ္တာရေးကံကို ခန့်မှန်းတွက်ချင့်ကြရာဝယ်
တော်တော်များများမေးတတ်တဲ့ အမေးဆုံးမေးခွန်းတွေကတော့ မေတ္တာရေးနဲ့ပတ်သက်တဲ့မေးခွန်းတွေပါပဲ။
ကျွန်တော်တို့မြန်မာလူမျိုးတွေများ တစ်ခြားလူမျိုးတွေထက်တောင်ချစ်တတ်ကြတယ်ထင်ပါရဲ့ ဗျာ။ တစ်ယောက်
လာလည်း ချစ်ချစ်အကြောင်း ၊ နောက်တစ်ယောက်လာလည်း ချစ်ချစ်အကြောင်း။ ဒီနေရာမှာ မေးသူများအနေနဲ့
သူတို့ချစ်တဲ့သူက သူတို့အပေါ်သစ္စာရှိမရှိဆိုတဲ့ အချက်ကိုလည်း တော်တော်များများ အသားပေးမေးကြတာကို
တွေ့ရပါတယ်။ စကားစပ်လို့ပြောပြရရင် သစ္စာရှိမရှိကို ဗေဒင်ဆရာတွေက ဘယ်ဂြိုဟ်တွေ ဘယ်ဌာနတွေကို
ကြည့်ပြီး ဆုံးဖြတ်သုံးသပ်ရပါသလဲ ဆိုတာကို ဗေဒင်ဆရာတွေအချင်းချင်းမေးရင်တောင်....တော်တော်များများ
က....ဘုကြည့်ကြည့်တတ်ကြပါတယ်။ အများစုက ဝေလေလေပါပဲ။ နာမည်ကြီးဗေဒင်ဆရာအချို့တောင်...
တစ်ကယ်တေ့တေ့ဆိုင်ဆိုင်မေးလိုက်ရင် ...ဟိုလိုလိုသည်လိုလိုပြန်ဖြေတတ်ကြပါတယ်။ နက္ခတ်ဗေဒင်ပညာရှင်
တွေကတော့ ကောင်းကောင်းသိကြပါလိမ့်မယ်။ တစ်ကယ်တတ်ရင်ပေါ့လေ။ လက္ခဏာပညာရှင်တွေမှာလည်း
သစ္စာရှိမရှိကိုတိုင်းထွာလို့ရတဲ့ အချက်အလက်တွေရှိပါတယ်။ ဂွကျတာက ကျွန်တော်တို့လက်ဆန်းဗေဒင်ပညာ
ရှင်ဗေဒင်ဆရာတွေမှာ ဒီမေးခွန်းကိုမေးလိုက်ရင် တော်တော်များများဂွကျကုန်တတ်ကြပါတယ်။ ဆိုတော့........
လက်တွေ့ ကျကျလေ့လာအားထုတ်ထားဖို့လိုပါမယ်။ နက္ခတ်ပညာပဲဖြစ်ဖြစ် ၊ လက္ခဏာပညာပဲဖြစ်ဖြစ်၊လက်ဆန်းဗေဒင်ပညာမှာပဲဖြစ်ဖြစ်....လူရည်လူသွေးလူကဲခတ်နိုင်တဲ့နည်းလမ်းတွေရှိ
ပါတယ်။ ကိုယ့်ဘက်က များများလေ့လာ၊ များများလက်တွေ့ဆန်းစစ်မှတ်ကျောက်တင်ထားဖို့တော့လိုပါတယ်။
ကျွန်တော့်အယူအဆအရ......တနင်္ဂနွေဂြိုဟ်ဟာ သစ္စာရှိမှုမရှိမှုမှာ ထိပ်ဆုံးအဆင့်ကဆန်းစစ်ရတဲ့ ဂြိုဟ်တစ်ခု
ဖြစ်ပါတယ်။ တနင်္ဂနွေဂြိုဟ်အားကောင်းရင် ကတိတည်ပြီး၊ သစ္စာစောင့်သိကြသလို...အားနည်းရင် အားနည်းသ
လောက်ကောက်ကျစ်စဉ်းလဲလာပြီး သစ္စာမဲ့တတ်ကြပါတယ်။ ဒီအချက်တွေကို နက္ခတ်ပညာမှာဖြစ်စေ၊ လက္ခဏာပညာမှာဖြစ်စေ၊လက်ဆန်းပညာမှာဖြစ်စေ...ကြည့်ရှုစစ်ဆေးလို့ရပါတယ်။ အနဲငယ်ခက်ခဲတာကတော့
နက္ခတ်ပညာမှာ .တနင်္ဂနွေ အနေအထားကိုအလွယ်တစ်ကူတွက်ချက်ကြည့်ရှုနိုင်သလို၊ လက္ခဏာပညာမှာလည်း
တနင်္ဂနွေဂြိုဟ်ခုံပေါ်က အချက်အလက်တွေကိုတွက်ချက်ဆုံးဖြတ်နိုင်ပြီး၊ လက်ဆန်းပညာမှာတော့....................
မူလမဟာဘုတ်ကိုကြည့်ရမလိုလို ..ဟိုလိုလိုသည်လိုလိုဖြစ်ရပါတယ်။ လက်ရှိလေ့လာနေသလောက်ပြောရမယ်
ဆိုရင်တော့ မူလမဟာဘုတ်နဲ့ နာမည်ကို တွဲပြီး တွက်ချက်အဖြေထုတ်ယူရင် ..အတိုင်းအတာတစ်ခုထိတော့
အဖြေရပေမယ့် ...နက္ခတ်တို့လက္ခဏာပညာတို့လောက်တော့ လွယ်ကူရိုးရှင်းမှုမရှိတာအမှန်ပါ။ တော်တော်ကို
နက်နက်နဲနဲ ထဲထဲဝင်ဝင်ချင့်ချိန်ယူရပါတယ်။
မေးတဲ့သူကတော့ လွယ်ပါတယ်။ ဖြေသူကတော့ (ကိုယ့်သိက္ခာကိုကိုယ်စောင့်ထိမ်းရင်) ခက်လှပါတယ်။
ဆက်လက်ရေးသားတင်ပြပါဦးမည်။
ကိုစိုးမိုးထွန်း(ဗေဒင်ပညာသုတေသီ)
Post a Comment
