အွန်လိုင်းပေါ်မှ ဗေဒင်ပညာ
အွန်လိုင်းပေါ်မှာတိုက်ခိုက်မှုမျိုးစုံခံရပြီး ပြင်ပမှာ လုပ်ကိုင်စားနေတဲ့ ဗေဒင်ဆရာတွေလို စီးပွားဖြစ် အနေအထား ဘာတစ်ခုမှမလုပ်နိုင်ကြတဲ့ ဘ၀တူဗေဒင်ပညာသည် အားလုံးကိုယ်စား ဒီဆောင်းပါးကို ကျွန်တော်ရေးပါတယ်။ အစွပ်အစွဲပေါင်းမျိုးစုံခံရ၊ သွားပုတ်လေလွင့်အပြောခံရ၊ အနှိမ်ခံရ၊ အဆဲခံရတဲ့ ကြားကနေ ဆိုဒ်တစ်ခုလေးအဖြစ် ရပ်တည်နိုင်အောင် ကျွန်တော်တို့ အားလုံး ကြိုးစားကြရပါတယ်။ ဗေဒင်ဆိုဒ်ကလေးတွေ လုပ်ပြီး အသိပညာဖြန့်ဝေနေကြသည့်တိုင်အောင် ကျွန်တော်တို့အားလုံးမှာ ဘ၀အရေးကို အပြေးအလွှားလုပ်နေကြရသူတွေအများအပြားပါဝင်ပါတယ်။
ဗေဒင်လောကဟာ ဒီလောက်ရှုပ်ထွေးပြီး အတိုက်အခံများမယ်၊ မနာလိုမရှုစိမ့်သူပေါများလိမ့်မယ်လို့ ..လုံးဝ မထင်ခဲ့မိတာလည်း အမှန်ပါ။ သို့ပေမယ့် ..ဆရာဦးမောင်မောင်သန်းကို ဆရာကဲ့သို့ သဘောထား ကြည်ညိုကြောင်း ဆောင်းပါးတစ်ခုမှာထည့်ရေးမိပြီးချိန်ကစလို့ ပိုမိုပြီး အတိုက်အခိုက် ခံခဲ့ရပါတယ်။ ..တိုက်တိုက်ဆိုင်ဆိုင်လို့ပဲ ပြောရပါမယ်။ ပထမတစ်ကြိမ်သာ ဆုံခဲ့ဖူးပြီး သုံးနှစ်လောက် အဆက်အသွယ် ပြတ်နေခဲ့တဲ့..ကျေးဇူးရှင်ဆရာ ဦးမောင်မောင်သန်းကို ဒီရက်ပိုင်းတွေမှာ ဆရာတေးအေးရိပ် ဆရာရန်းဂန်း တို့နဲ့အတူ ဒုတိယအကြိမ်မြောက်အဖြစ် ထပ်မံရောက်ရှိခဲ့ပါတယ်။ ဆရာရဲ့အားပေးသံနဲ့ ..လက်တွေ့ သုတေသန များများလုပ်ပြီး စာပေးရေးသားပြုစုဖို့ ၊ အထူးသဖြင့် ကျမ်းပြုစုဖို့ တိုက်တွန်းလိုက်တဲ့ အသံကို ကြားရတဲ့ အခါမှာတော့..အတိုက်အခိုက်ခံရ အဆဲဆိုခံရ၊ အစွပ်အစွဲခံရသမျှဟာ ...ပိန်းကြာဖက် ရေမတင်သလို ဖြစ်သွားပါတော့တယ်။ ဘာသာတရားကြည်ညို ကိုင်းရှိုင်းပြီး၊ အကျင့်စရဏပိုင်းမှာလည်း ထက်သန်တဲ့ ဆရာ့လိုသူကိုတောင်....အိမ်ရှေ့ကနေ လာရောက် ဆဲရေးပုတ်ခတ်တဲ့ ..သူအချို့ ရှိကြောင်းလည်း ဆရာကပြောပြလို့သိရချိန်မှာ ..အတော်လေး အံ့သြမိ ပါတော့တယ်။ ဘာလို့လည်း ..၊ ကျွန်တော်အမျိုးမျိုး စဉ်းစားသော်လည်း ထိုထိုကဲ့သို့ပြုမူသူများရဲ့ စိတ်ခံစားမှုကို နားမလည် နိုင်အောင်ရှိမိပါတယ်။
အယူအဆချင်းမတူရင် .......
ပညာချင်းမတူရင်..........
ဆရာချင်းမတူရင်........
မူချင်းမတူရင်..........
မူဟောင်းအစား မူသစ်ပြောင်းပြီး တစ်ခေတ်ဆန်းလာရင်........... (စသည်ဖြင့်ပေါ့.)...တိုက်ခိုက် ထိုးနှက်ကြတော့တာပါပဲ။
နာမည်ထုတ်ဖော် မပြောပြချင်ပေမယ့် ..တိုက်ခိုက်ကြသူတွေထဲမှာ..၊ သိကျွမ်းနေတဲ့ ဗေဒင်လောကသား အချို့က ပိုဆိုးနေကြောင်းတွေ့ရပါတယ်။ အမိယုတ်နှုတ်ကြမ်းဆိုတာကို သိပါလျက် ကယ်နဲ့ကို...ငါ့ကိုဘယ်သူမှမသိဆိုတဲ့ ထုံးစံအတိုင်း..အမှောင်ကွယ်ကနေ ..မြိန်ရည်ယှက်ရည် ယုတ်ညံ့ ၀ံ့ကြတာကိုလည်း တွေ့ရပါတယ်။ ဘာမဆိုင်ညာမဆိုင်နဲ့ ...ခုိးချသလေးဘာလေးစွပ်စွဲတာမျိုး၊ ဂုဏ်သိက္ခါ ကျဆင်းအောင် ထိပါး နှောက်ယှက်တာမျိုးအထိ ..အကျင့်စာရိတ္တ ယုတ်ညံ့လာသူတွေလည်း ရှိပါတယ်။ တစ်ကယ့်တစ်ကယ်ဆို ကျွန်တော်တို့တစ်တွေဟာစီဘောက်မှာ ပြောသွားသလို ဆရာနဲ့အနီးကပ် ကံ့ကူလက်လှည့် သင်ကြားခွင့်ရဖူးကြသူတွေမဟုတ်သလို....ကျွန်တော်တို့လေ့လာခဲ့ရတဲ့ခရီးဟာ ခက်ခဲကြာမြင့်လှပါတယ်။ ကျွန်တော်ကိုယ်တိုင်လည်း မဟာဘုတ်ဗေဒင်ပညာနဲ့ နာမည်ဟောနည်းပညာကို နှစ်ပေါင်းနှစ်ဆယ်ကျော် ကိုယ်တိုင်သုတေသနပြုလေ့လာခဲ့ရတာပါ။ ဒီစကားဟာ ကြီးကျယ်ရာ ရောက်နိုင်ပေမယ့် အမှန်ဖြစ်လို့ မပြောလို့လည်းမရပါဘူး။
ဒီနေ့ မဟာဘုတ်ပညာနဲ့ပတ်သက်လို့ ကျွန်တော် ဆရာကြီး ဦးကြာမြင့်မူကို အမှန်ပြောရရင် ..အာရုံမရလှပေမယ့် ၊ ဆရာကြီးရဲ့အသိပညာကိုလည်း မပုတ်ခတ်ပါဘူး။ ဆရာက တစ်ဖက်ကမြင်သလို ..ကျွန်တော်ကတစ်ဖက်က ကြည့်တယ်လို့ပဲ အောက်မေ့ ထားပါတယ်။ အများစုကတော့ ဖတ်ဖူးသလောက်မဟာဘုတ်ကျမ်းတော်တော်များများမှာ ..ဆရာကြီးဦးကြာမြင့်ရဲ့ မူဆန်ဆန်တွေ ဟန်တွေပဲများတဲ့အတွက်...မဟာဘုတ်မှာ ကိုယ်တိုင်ခူး ကိုယ်တိုင်ခပ်ပဲ ..ကျွန်တော်လုပ်ခဲ့ရပါတယ်။ လမ်းလည်းထွင်လျှောက်လို့ ဖောက်ခဲ့ရပါတယ်။ မဟာဘုတ်နဲ့ပတ်သက်လို့ ထွင်ခဲ့တဲ့ ဆရာသမားတွေကိုသာ စိတ်က ကြည်ညိုပြီး လမ်းပြပေးဖို့ ဆုတောင်းခဲ့ရပါတယ်။ ထို့နည်းတူစွာပဲ ..မဟာဘုတ်နဲ့ပတ်သက်လို့ တင်ပြပေး၊ တစ်ဆင့်မှ တစ်ဆင့် လက်ဆင့် ကမ်းပေးနေတဲ့ဆရာတွေကိုလည်း ကျေးဇူးတင်လျှက်ပါပဲ။ ဒါပေမယ့်လည်း ဒီနေ့ထိ တိုင်အောင် ကျွန်တော့်ပညာဟာ လိုအပ်နေဆဲပါပဲ။ ခုနောက်ပိုင်းမှာတော့ ...ဗေဒင်ပညာနဲ့ပတ်သက်လို့...အထူးသဖြင့် မဟာဘုတ်ဗေဒင်နဲ့ နာမည်ကိုတွဲစပ် အသုံးပြုတဲ့ပညာရပ်ပိုင်းနဲ့ ပတ်သက်လို့ ..ကျွန်တော့်ရဲ့ကိုယ်ပိုင် အယူအဆအချို့ကို ..ကျွန်တော်တို့နည်းတူ လေ့လာနေဆဲ ဘ၀တူပညာလိုလားသူများအတွက် ချရေး တော့မယ်လို့ ဆုံးဖြတ်မိပါတယ်။
ဒီနေ့ မဟာဘုတ်ပညာနဲ့ပတ်သက်လို့ ကျွန်တော် ဆရာကြီး ဦးကြာမြင့်မူကို အမှန်ပြောရရင် ..အာရုံမရလှပေမယ့် ၊ ဆရာကြီးရဲ့အသိပညာကိုလည်း မပုတ်ခတ်ပါဘူး။ ဆရာက တစ်ဖက်ကမြင်သလို ..ကျွန်တော်ကတစ်ဖက်က ကြည့်တယ်လို့ပဲ အောက်မေ့ ထားပါတယ်။ အများစုကတော့ ဖတ်ဖူးသလောက်မဟာဘုတ်ကျမ်းတော်တော်များများမှာ ..ဆရာကြီးဦးကြာမြင့်ရဲ့ မူဆန်ဆန်တွေ ဟန်တွေပဲများတဲ့အတွက်...မဟာဘုတ်မှာ ကိုယ်တိုင်ခူး ကိုယ်တိုင်ခပ်ပဲ ..ကျွန်တော်လုပ်ခဲ့ရပါတယ်။ လမ်းလည်းထွင်လျှောက်လို့ ဖောက်ခဲ့ရပါတယ်။ မဟာဘုတ်နဲ့ပတ်သက်လို့ ထွင်ခဲ့တဲ့ ဆရာသမားတွေကိုသာ စိတ်က ကြည်ညိုပြီး လမ်းပြပေးဖို့ ဆုတောင်းခဲ့ရပါတယ်။ ထို့နည်းတူစွာပဲ ..မဟာဘုတ်နဲ့ပတ်သက်လို့ တင်ပြပေး၊ တစ်ဆင့်မှ တစ်ဆင့် လက်ဆင့် ကမ်းပေးနေတဲ့ဆရာတွေကိုလည်း ကျေးဇူးတင်လျှက်ပါပဲ။ ဒါပေမယ့်လည်း ဒီနေ့ထိ တိုင်အောင် ကျွန်တော့်ပညာဟာ လိုအပ်နေဆဲပါပဲ။ ခုနောက်ပိုင်းမှာတော့ ...ဗေဒင်ပညာနဲ့ပတ်သက်လို့...အထူးသဖြင့် မဟာဘုတ်ဗေဒင်နဲ့ နာမည်ကိုတွဲစပ် အသုံးပြုတဲ့ပညာရပ်ပိုင်းနဲ့ ပတ်သက်လို့ ..ကျွန်တော့်ရဲ့ကိုယ်ပိုင် အယူအဆအချို့ကို ..ကျွန်တော်တို့နည်းတူ လေ့လာနေဆဲ ဘ၀တူပညာလိုလားသူများအတွက် ချရေး တော့မယ်လို့ ဆုံးဖြတ်မိပါတယ်။
ဒါဖြင့်အရင်ကကောဘာလို့ အဲလိုမရေးသလည်းလို့မေးစရာရှိပါတယ်။ ဖြစ်ပုံက...........လွန်ခဲ့တဲ့ နှစ်နှစ်ဝန်းကျင်က ကျွန်တော်ရေးသားပြုစုခဲ့တဲ့ (အသက်မွေးဝမ်းကျောင်းမှုဆိုင်ရာ အထောက်အကူပြု ဗေဒင်ပညာကျမ်း) မှာ ပါတဲ့ အခန်းအချို့ကို ၊ ဂမ္ဘီရဆန်းကြယ်မဂ္ဂဇင်းမှာ အမည်မဖော်ပြလိုသော ဆရာတစ်ယောက်က ..ကူးယူဖော်ပြခဲ့ပါတယ်။ ခွင့်ပြုချက်လည်းမတောင်းတဲ့အပြင် မဂ္ဂဇင်းမှာလည်း အခန်းဆက် ဆောင်းပါးအနေနဲ့ဖော်ပြနေတဲ့အတွက်ကြောင့် အဲဒီ့ဆရာဆီကို ကျွန်တော် ဖုန်းဆက်ပြီး ၊ ကျမ်းကိုး စာရင်းထည့်ပေးဖို့တောင်းဆိုခဲ့ရပါတယ်။ ကံအားလျော်စွာနဲ့ပဲ သူကလည်း ပထမတစ်ပုဒ်မှာ မထည့်ပေမယ့်၊ ဒုတိယအပုဒ်မှာတော့ ကျမ်းကိုးစာရင်းထည့်ပေးတဲ့အတွက် ..ဒီကိစ္စလေးဟာ ပြီးပြတ် သွားပါတယ်။ အဲဒီ့ကစလို့ ..နောက်ပိုင်းမှာတော့ ကျွန်တော် ဆိုဒ်ပေါ်မှာတောင် စာရေးရလက်တွန့်သွားခဲ့မိပါတယ်။ ...ဒါကြောင့်လည်း ဆောင်းပါးရေးဖြစ်တဲ့အခါ နည်းစနစ်ကို အဓိက မဖော်ပြထားတော့ပဲ လူအများစုနားလည်လွယ်၊ ဖတ်လို့လွယ်မယ့် ရယ်ဒီမိတ်ဆောင်းပါးမျိုးလောက်ကိုသာ အဓိက ဖော်ပြရေးသား ဖြစ်ပါတော့တယ်။ ဘာပဲဖြစ်ဖြစ်....အားလုံးအတွက် ဖတ်လို့လွယ် အကျိုး ဖြစ်မယ်ဆို ဒါဟာ ရေးသင့်တယ်လို့ပဲ ဆုံးဖြတ်ခဲ့ပါတယ်။
ဒါပေမယ့် ခုချိန်ကစပြီး ဒီဆောင်းပါးနောက်ပိုင်းမှာ....ပညာရပ်ပိုင်းဆိုင်ရာနဲ့ပတ်သက်လို့ ကျွန်တော့်ရဲ့ကိုယ်ပိုင်အယူအဆအချို့နဲ့ ..ပညာရပ်အချို့ကိုတွဲစပ်အသုံးပြုပုံတွေကို အခါအားလျော်စွာ မချွင်းမချန် တင်ပြသွားပါမယ်။ မလိုလားသူတွေအဖို့ ကျွန်တော့်ဆိုဒ်ဟာ အပျင်းပြေစရာတောင် ဖြစ်မှာ မဟုတ်သလို ..လိုလားသူတွေအနေနဲ့လည်း အကြိမ်ကြိမ်ဝင်ဖတ်စရာနေရာတစ်ခု ဖြစ်စေဖို့ ကျွန်တော် အတတ်နိုင်ဆုံး ကြိုးစားအားထုတ်ပါတော့မယ်။
အားလုံးပဲချမ်းမြေ့ကြပါစေ။
ကိုစိုးမိုးထွန်း (ဗေဒင်ပညာသုတေသီ)
Post a Comment
