အလုပ်အကိုင်ကံ .... ထောက်လှမ်း တွက်ဆနည်း အပိုင်း (၁)

Monday, June 28, 2010

အလုပ်အကိုင်ကံ....ထောက်လှမ်းတွက်ဆနည်း  အပိုင်း (၁)


ဒီနည်းစနစ်ကို..ရေးသားရာမှာ ...ဗေဒင်ပညာကို နားမလည်သူတွေအတွက်ကော အနဲငယ်နားလည် နေသူတွေအတွက်ကော ..ဖတ်လို့ရ အကျိုးရှိမယ့်အနေအထားဖြစ်အောင် ကြိုးစားပေးလိုက်ပါတယ်။ ဗေဒင်ပညာနဲ့ စိမ်းသူများအဖို့ ဘယ်အသက်ပိုင်းမှာဘယ်လိုဆိုတာကို အလွယ်တစ်ကူ ဖတ်ရှုနိုင်ပြီး၊ ဗေဒင်ပညာနဲ့ ရင်းနှီးထိတွေ့ဖူးသူတို့ အတွက်တော့ အယူအဆပိုင်းဆိုင်ရာအချို့ကို သီးသန့်ထည့်သွင်း ရေးသားဖော်ပြ ပေးထားပါတယ်။

(၁)အလုပ်အကိုင်ရရှိရန် တွန်းအားပေးသော အသက်ပိုင်းများ

ဘာနေ့သားသမီးမဆို ..၊ အောက်ပါအသက်ပိုင်းများမှာ အလုပ်အကိုင် ရရှိခြင်း၊ အလုပ်အကိုင် ကံကောင်းခြင်း အလုပ်အကိုင် တိုးတက်ခြင်း ရာထူးတိုးတက်ခြင်း စသည်ဖြင့် ဖြစ်ပွားကြုံတွေ့ရ တတ်ကြောင်း  မှတ်ယူထားနိုင်ပါတယ်။

၁၁နှစ်  ၊  ၁၈နှစ်   ၊  ၂၅နှစ်  ၊ ၃၂နှစ်  ၊ ၃၉နှစ်  ၊ ၄၆နှစ် ၊ ၅၃နှစ် ၊ ၆၀နှစ် ၊ ၆၇နှစ်၊ ၇၄နှစ်   ။

အယူအဆပိုင်း ..(၁)  အဆိုပါအသက်ပိုင်းများမှာ သေသ၀ိဇ္ဇာအခါပိုင်း နည်းစနစ်အရ    တနင်္ဂနွေ အားကောင်းသော အချိန်များဖြစ်ပါတယ်။ တနင်္ဂနွေဂြိုဟ်ဟာ  အသက်ဓါတ်ကိုပေးပြီး၊ အသက်ကို  ရှင်သန်အောင်မွေးမြူရသောကံ တနည်းအားဖြင့် အသက်မွေးမှုကံကို အဓိကဖော်ပြတဲ့အတွက် ..အလုပ်အကိုင်နဲ့ ပတ်သက်ရင်လည်း အဓိကကည့်ရှု စစ်ဆေးရတဲ့ဂြိုဟ်တစ်လုံး ဖြစ်ပါတယ်။ ဒီဂြိုဟ်အားမကောင်းချိန်မှာ အလုပ်အကိုင် နဲ့ပတ်သက်ပြီးလူတွေမှာ ..မကောင်းတဲ့အခြေအနေ အမျိုးမျိုး ဖြစ်ပေါ် လာတတ်သလို၊ ဒီဂြိုဟ်အားကောင်းချိန်မှာ    အလုပ်အကိုင်အသက်မွေးမှုနဲ့ ပတ်သက်လို့ ကောင်းတဲ့ အခြေအနေအမျိုးမျိုး       ဖြစ်ပွားကြုံတွေ့ရတတ်ပါတယ်

ကဲ..ဟုတ်ပြီ။ ဒါဆိုဂြိုဟ်အားကောင်း မကောင်းကို    ဘာနဲ့ကြည့်ကြမလဲ ဆိုပြီး မေးခဲ့ရင်၊  ဘာနဲ့ကြည့်ကြည့် သိနိုင်ပါတယ်။ လက္ခဏာ၊ နက္ခတ်၊ လက်ရိုးလက်ဆန်း၊ ကေပီ၊ စသည်ဖြင့်  မည်သည့်နည်းစနစ်နဲ့ဖြစ်ဖြစ် ခွဲခြား ဆန်းစစ်နိုင်ပါတယ်။ အခုဆောင်းပါးမှာတော့ ကျွန်တော် ရိုးရိုးနဲ့တွက်လို့ လွယ်တဲ့     သေသ၀ိဇ္ဇာ အခါပိုင်းစနစ်အရ..အားကောင်းမကောင်းကို ခွဲခြားသုံးသပ်သွားတာပါ။  တွက်လို့လွယ်တယ်ဆို့လို့ မှန်ပါ့မလား မေးစရာရှိပါတယ်။ တွက်လို့လွယ်သလောက်တွေးရခက်ပြီး တိတိကျကျမှန်တဲ့ ပညာရပ်များစွာ ရှိတယ်လို့ပဲ ဆိုပါရစေ။ အသုံးပြုသူဆက်စပ်တွေးခေါ်သူရဲ့ အနေအထားပေါ်မှာသာ မှန်တယ်မမှန်ဘူး ဆိုတာကို       အဓိကဆုံးဖြတ်ရပါလိမ့်မယ်။

(၂) အလုပ်ကိုင်ဆုံးရှုံးရန်လွယ်ကူသော အသက်ပိုင်းများ


အလုပ်အကိုင် ဆုံးရှုံးဖို့လွယ်ကူတဲ့ အသက်ပိုင်းများကတော့  အောက်ပါအသက်ပိုင်းများ ဖြစ်ပါတယ်။

၁၃နှစ်၊  ၂၀နှစ်၊ ၂၇နှစ်၊ ၃၄နှစ်၊ ၄၁နှစ်၊ ၄၈နှစ်၊ ၅၅နှစ်၊ ၆၂နှစ်၊ ၆၉နှစ်၊ ၇၆နှစ်       ..စတဲ့ အသက်ပိုင်းများမှာ ..ဘယ်နေ့နံသားသမီးမဆို အသက်မွေးမှု အလုပ်အကိုင် ပျက်ဆီးလွယ်ပါတယ်။ ကျိန်းသေ ပျက်မယ်လို့   မယူဆလိုက်ပါနဲ့

သို့ပေမယ့် ပျက်ဆီးရန်လွယ်ကူတယ် ဆိုတာကိုတော့ အမှန်ပဲသတိပြုထားရပါမယ်။   ဒီကိန်းစနစ် ကလေးတွေကို သတိမမူမိလို့  အလုပ်အကိုင်ပျက်ဆီးပြီး  ထိခိုက်ဆုံးရှုံးနေသူ အမြောက်အများ ရှိပါတယ်။ သတိချပ်နိုင်ဖို့ တင်ပြပေးလိုက်ပါတယ်။

ဒီနေရာမှာ အထက်ပါ တင်ပြရေးသားချက် အချက်နှစ်ချက်နဲ့ ပတ်သက်လို့ အယူမမှားဖို့ တင်ကြို သတိပေးရပါမယ်။ ကိန်းအရ ပျက်ကိန်း ဖြစ်ကိန်း ကြုံသည့်တိုင်အောင်    ကာယကံရှင်ရဲ့ပစ္စုခ္ခ ၀ီရိယ၊ ကံ၊ ဥာဏ် ၊လုံလ၊ သတိ ၊ အခြားအားဖြင့်သော ရောက်ဆြဲဂိုဟ်အိပ် ၊ သတ်ခတ်၊ ဒသာ၊   စသည်တို့အရ ကျော်လွှားသွားနိုင်တယ်ဆိုတာကို အထူးသတိချပ်စေလိုပါတယ်။ ဒီလိုပါပဲ. တစ်ဖက်က မှာချင်တာကလည်း မိမိတို့ အတွေ့အကြုံအရ ..ကိုယ့်ဘ၀လမ်းကြောင်းမှာ ထိုထိုအသက်ပိုင်းများမှာ  ကောင်း၊ဆိုး ကြုံခဲ့တာလေး တွေကို စစ်ဆေးမှတ်သားထားပြီး ..သတိချပ်စေလိုပါတယ်။ စာရေးသူအတွေ့အကြုံအရ  အားကိုးလို့ရတဲ့
ပညာကောင်းလေးမို့ တင်ပြပေးလိုက်တာပါ

ဆက်လက်ပြီးလည်း  အပိုင်း(၂)မှာ .. အလုပ်အကိုင်အသက်မွေးမှု ထောက်ဆလို့ ရတဲ့ အချက်ကလေး တွေကို တင်ပြရေးသားသွားပါ့မယ်။ တစ်ဆင့်ပြီးတစ်ဆင့်     နာမည်အရ..အသက်မွေးမှုကံ ဖြစ်တည်လာပုံ အထိ ဆိုပါတော့။

အားလုံးချမ်းမြေ့ကြပါစေ။

ကိုစိုးမိုးထွန်း (ဗေဒင်ပညာသုတေသီ)

Post a Comment
 

Posts Comments

©2006-2010 ·TNB