ကတ္တုကာရက အမည်ရှင်များ အကြောင်း

Wednesday, August 25, 2010

ကတ္တုကာရက အမည်

တနင်္ဂနွေနံဖြင့် စတင်ပြီး တနင်္ဂနွေနံဖြင့်ပင် အဆုံးသတ်  မှည့်ခေါ်ထားခြင်း  ၊  အလားတူပင်  တနင်္လာ နံဖြင့်  စတင်  မှည့်ခေါ်ထားပြီး  တနင်္လာနံဖြင့်ပင်  အဆုံးသတ်  မှည့်ခေါ်ထားခြင်း  ၊     စသည် အားဖြင့်  မှည့်ခေါ်ထားသော နံတူစဆုံး အမည်များကို ကတ္တုကာရကအမည်များ ဟု  ခေါ်တွင်နိုင်ပေသည်။

ဥပမာအားဖြင့်   အောင်အောင်  ၊ အောင်ပိုင်ဦး ၊ ကိုကို ၊ ခင်မောင်ချိန် ၊ ဇာဇာ  ၊ ဇင်မာညိမ်း ၊  စသည်ကဲ့သို့သော အမည်ရှင်တို့ မှာ ကတ္တုကာရက အမည်ရှင်များ  ဖြစ်ကြသည်။

ကတ္တုကာရက၏   အနက်အဓိပ္ပါယ်မှာ  အကြိမ်ကြိမ် အခါခါ ၊ ထပ်ခါထပ်ခါ ပြုလုပ်ခြင်း  ဟူသော အနက်အဓိပ္ပါယ်မျိုး ရှိ၏။

ဤကဲ့သို့သော ကတ္တုကာရက အမည်ရှင်များ၏ ဘ၀သည်  အံ့သြဖွယ်ရာ အခြေအနေများ  ၊  ရုတ်တရက် ဖြစ်ပျက် ကြုံတွေ့ရသော  အဖြစ်အပျက်များ  ၊ ဘ၀၏ ဆန်းကျယ်သော အလှည့်အပြောင်းများဖြင့်  ပြည့်စုံ နေရတတ်၏။ အထူးသဖြင့်  ဤကဲ့သို့သော ကတ္တုကာရက အမည်  ရှင်မျိုးဖြစ်ပြီး  နာမည် အရင်း အဖျားတို့သည် သက်ဆိုင်ရာ ဇာတာရှင်၏ မွေးမူလမဟာဘုတ်ရှိ  ဘင်္ဂဌာနတွင်  ရပ်တည်နေခဲ့ပါမူ    ထိုကဲ့သို့သော  ဇာတာရှင် အမည်ရှင်မျိုး ၏  ဘ၀သည်  တမဟုတ်ခြင်း ပြောင်းလဲ သွားသော တစ်ဆစ်ချိုး အပြောင်းအလဲများ နှင့် မုချ ရင်ဆိုင်ရတတ်  ပေသည်။ ရုတ်တရက် နိမ့်ကျ သွားခြင်းများ   ၊ ရုတ်တရက် မြင့်မားတိုးတက်လာခြင်းများ  စသည့်အချင်းအရာများ နှင့် မုချ တွေ့ကြုံ ရမည် ဖြစ်ပေသည်။

အဆိုးတစ်ခု ကြုံသည်နှင့်  နောက်ထပ် ဆက်တိုက်ဆိုးကျိုးများ ရောက်ရှိလာတတ်သလို   ၊ ကောင်းကျိုး တစ်ခု စတင်ကြုံ သည်နှင့်  နောက်ဆက်တွဲ ကောင်းကျိုးများလည်း  ဆက်တိုက်  ဆိုသလို ဆက်လက် ဆက်ခါ ဆက်ခါ ရရှိတတ်ကြသော အမည်များမှာ ဤကတ္တုကာရက အမည်များ ပင် ဖြစ်ကြသည်။ အမည် အားကောင်းပြီး  မူလမဟာဘုတ် အနေအထား သက်ဆိုင်ရာ ဇာတာရှင်၏ ရုပ်ဆင်း လက္ခဏာ မျိုးဗီဇ နှင့် ကျင်လည်ပေါက်ဖွားရာ ရှင်သန်ရာ အနေအထားများ အားကောင်းခဲ့ပါမူ  အဆိုပါ အမည်ရှင်တို့မှာ  အလွန် ထင်ရှားသော ဆက်တိုက်အောင်မြင်တိုးတက်  လာသော သူများ  ဖြစ်လာ နိုင်ပေသည်။

ဤကဲ့သို့သော အမည်ရှင်တို့၏  အားသာချက်မှာ အခြားသော အမည်ရှင်များ ဖြစ်သည့်

သာမိကာရက      အမည်ရှင်များ 

သမ္ပဒါနကာရက    အမည်ရှင်များ

ကမ္မကာရက        အမည်ရှင်များ

ကရဏကာရက    အမည်ရှင်များ

အပါဒါနကာရက   အမည်ရှင်များ

သြကာသကာရက အမည်ရှင်များ

အာလပ္ပနကာရက အမည်ရှင်များ

အားလုံးထက်  စိတ်တန်ခိုး ပိုမိုကြီးမားကြခြင်းပင်  ဖြစ်ပေသည်။ အလွန်ကြီးမားသော ခြတောင်ပို့တစ်ခုကို သေးငယ်သော သတ္တ၀ါလေးများ၏ အကြိမ်ကြိမ်ကြိုးစားအားထုတ်မှု ဖြင့် တည်ဆောက် ပြီးမြောက် အောင်မြင် နိုင်သကဲ့သို့သော ထပ်ခါထပ်ခါ ပြုလုပ်ခြင်းဖြင့် အနိုင်ယူ  ဖန်တီးနိုင် ဖန်ဆင်းနိုင်သော စွမ်းရည်ထူးမျိုး ကို ပိုင်ဆိုင်သူများမှာ ဤ ကတ္တုကာရက အမည်  ရှင်များပင်ဖြစ်ကြသည်။ ယင်းအချက်ကို ကာယကံရှင် ဤအမည်ရှင်များပင်လျှင် သတိပြုမိသူ  နဲပါးလှခြင်းကြောင့်  တိုးတက်သင့်သလောက် မတိုးတက်နိုင်ကြခြင်းဖြစ်သည်။

အားနည်းချက်မှာကား    တစ်နေရာထဲတွင် တစ်ဝဲလယ်လယ် ဖြစ်နေတတ်ခြင်း  ၊ မတိုးတက်နိုင်ခြင်း  ၊ ဖောက်မထွက်နိုင်ဘဲ နေရာမရွေ့  ဖြစ်နေတတ်ခြင်းများ  ဖြစ်ကြသည်။ ထို့အတူ ဤ နာမည်ရှင်များ သည် မတော်တဆမှုများ ဖြစ်ပွားကြုံကြိုက် ရခြင်းကံ ရှိကြသဖြင့်  ယင်းအချက်ကိုလည်း ဂရုပြု သတိဖြင့် စောင့်ရှောက်နိုင်ရန် လိုအပ်သည်။    အထူးသဖြင့်  တနင်္ဂနွေ  အစ   တနင်္ဂနွေ အဆုံး  ကတ္တုကာရက အမည်ရှင်များ  ၊  နှင့်  အင်္ဂါ အစ အင်္ဂါ အဆုံး ကတ္တုကာရက အမည်ရှင်များ  မှာ  ပိုမို ဂရုစိုက်ရန် လိုအပ်သည်။

အောင်မင်းဦး  ၊ အေးအေး ၊ စိုးစိုး  ၊ ဇာနည်ဆွေ ၊ စသဖြင့်သော  နာမည်ရှင်များ ဖြစ်ကြပြီး  ၊  ယင်းနာမည်ရှင်များ အဖို့ မတော်တစ်ဆ အက်စ်စိဒန့်စ် များတွင် ပါဝင်နေတတ်ကြသဖြင့် သတိချပ်နိုင်ရန် အလို့ငှာ ရေးသားဖော်ပြပေးလိုက်ပါသည်။ အဘယ်ကြောင့်ဟူမူ  တနင်္ဂနွေသည် အသက်ဇီဝဆိုင်ရာ ပင်မဂြိုဟ်တစ်လုံးဖြစ်ပြီး  အသက်ရှည်ခြင်း တိုခြင်း ၊ ကျန်းမာခြင်း မကျန်းမာခြင်း  ၊  အသက်ဘေးရန် လုံခြုံခြင်း  ၊  အသက်ဘေးတွေ့ရခြင်း စသည်ဖြင့်တို့ကို ဖော်ပြသော ဂြိုဟ်ဖြစ်ပြီး  ၊  အင်္ဂါဂြိုဟ်သည်  ရန်အန္တရယ် နှင့် ဘေးဥပဒ်များ  ၊ ထိခိုက်ရှနာများ  ၊ မတော်တစ်ဆမှုများ  ၊ သွေးထွက်သံယိုဖြစ်ခြင်းများ နှင့် သက်ဆိုင်သော ဂြိုဟ်တစ်လုံးဖြစ်ခြင်း ကြောင့်  အဆိုပါ ကတ္တုကာရက  အမည်ရှင်  နှစ်မျိုးမှာ အခြား  ကတ္တုကာရကအမည်ရှင် (၆) မျိုးထက်  မတော်တစ်ဆ မဖြစ်စေရန် သတိချပ်သင့်လှပေသည်။

ကတ္တုကာရက အမည်ရှင်များ  အမျိုးအစား  စုစုပေါင်း ၈မျိုးရှိပြီး   မူလမဟာဘုတ် အနေအထား ခုနှစ်မျိုးအရ  နာမည်ရှင်အမျိုးအစားပေါင်း  ၅၆မျိုး ရှိပြီး ၊  အခြားသော ကာရက ၇မျိုး  အတွက်  လည်း  ယင်းကဲ့သို့ပင် ၅၆မျိုးဆီ ရှိနေရကား  ..တစ်ခုခြင်းဆီအတွက်  တွက်ချက်ရေးသားပေးနိုင်ရန်မှာ အလွန် ခက်ခဲလှခြင်း ကြောင့် အခါအားလျော်စွာ နာမည်များ နှင့် ပတ်သက်ပြီး ယခုကဲ့သို့ပင်  တစ်ပိုင်းတစ်ဆစ်ဆီ ကဏ္ဍခွဲခြားပြီး ဆက်လက်ရေးသား ဖော်ပြသွားပါဦးမည်။

ချမ်းမြေ့ကြပါစေ။

ကိုစိုးမိုးထွန်း  ဗေဒင်ပညာသုတေသီ

Post a Comment
 

Posts Comments

©2006-2010 ·TNB