သာမိကာရက နာမည်ရှင်များ အကြောင်း 

Monday, September 13, 2010

သာမိကာရက အမည်
တနင်္ဂနွေ        အစ    +   တနင်္လာ         အဆုံး
တနင်္လာ          အစ    +   အင်္ဂါ              အဆုံး
အင်္ဂါ               အစ    +   ဗုဒ္ဓဟူး          အဆုံး   
ဗုဒ္ဓဟူး            အစ    +   စနေ              အဆုံး
ကြာသာပတေး  အစ    +  ရာဟု             အဆုံး
သောကြာ        အစ    +   တနင်္ဂနွေ        အဆုံး
စနေ               အစ    +  ကြာသာပတေး  အဆုံး      ပြုမှည့်ခေါ်ထားသော


အမည်အားလုံး  သည်  ….    သာမိကာရကအမည် များပင် ဖြစ်ကြ၏။  ဥပမာအားဖြင့်    ..အောင်ကိုကို ၊ ခင်မောင်စိုး ၊ စန်းစန်းလွင် ၊ လွင်မာတိုး ၊ ပပမျိုးရွှေ ၊ သင်းနုနုအောင် ၊ ထက်ထက်မိုး စသည်ဖြင့် ကဲ့သို့သော အမည်များသည် သာမိကာရက အမည်များပင် ဖြစ်ကြပေသည်။

သာမိကာရက ၏ အနက်အဓိပ္ပါယ်မှာ   ကိုယ်ပိုင်အပိုင်ပြုလုပ်လိုခြင်း   ဖြစ်၏။

သာမိကာရကအမည်ရှင်များသည် ဘ၀တွင် သူတစ်ပါးကိစ္စ အကြောင်းအရာများဖြင့် အစဉ် လုံးထွေးနေရတတ်ကြသူများ ဖြစ်ကြ၏။  သူတစ်ပါးကိုယ်စား မိမိက ၀င်ရောက်လုပ်ကိုင် ဆောင်ရွက်ရတတ်ခြင်း ကံတရား ဖြင့် အစဉ်သဖြင့် ကြုံတွေ့နေကြရတတ်သူများဖြစ်သည်။ အများစုသော သာမိကာရက  အမည်ရှင်များသည် သူတစ်ပါးကိုယ်စား မိမိက ၀င်ရောက်တာဝန်ယူ လုပ်ကိုင်ဆောင်ရွက်ပေးရာမှ ယင်းအကြောင်းအရာ သို့မဟုတ် အလုပ်အကိုင်ကို မိမိပိုင် အနေအထား သို့ ရောက်ရှိပြီး ပိုင်ဆိုင်ခွင့်ကံ ရရှိတတ်ကြသူများ ဖြစ်ကြပေသည်။ ထို့ကြောင့်ပင်လျှင် ဤနာမည်ရှင်များ အနေဖြင့် မိမိတို့ သူတစ်ပါးကိုယ်စား ၀င်ရောက်လုပ်ကိုင်ပေးရတော့မည့်  ကနဦးအစကာလများတွင် များစွာ ဝေဖန်ဆန်းစစ်နိုင်ရန် အလွန်အရေးကြီးလှပေသည်။ သင့် မသင့် ၊  အနာဂတ်အတွက် အကျိုးရှိနိုင် မရှိနိုင် ဆန်းစစ်ပိုင်းခြား  ပြီးမှသာလျှင် ၀င်ရောက်ဆောင်ရွက် လုပ်ကိုင်ပေးသင့်ပေသည်။


ကာရက အမည်အမျိုးအစား ရှစ်မျိုး တွင်  သာမိကာရက အမည်ရှင်များသည် ကိုယ်ထူးကိုယ်ချွန်  တိုးတက်မှု အများဆုံးတွေ့ရှိရတတ်ပြီး  သာမိကာရက အမည်များကို ရှစ်မျိုးထပ်ခွဲစိတ် ကြည့်ရာတွင်မှ  ၊ 
တနင်္ဂနွေ        အစ    +   တနင်္လာ         အဆုံး
တနင်္လာ          အစ    +   အင်္ဂါ              အဆုံး
အင်္ဂါ               အစ    +   ဗုဒ္ဓဟူး          အဆုံး 
အမည် အမျိုးအစား သုံးမျိုး သည်    ဘ၀တိုးတက်မှု ရှာဖွေရာတွင်  အကျိုးစီးပွား ဖြစ်ထွန်းရန် ပိုမိုလွယ်ကူ အားသန်သော အမည်အမျိုးအစား သုံးခုအဖြစ်တွေ့ရှိရပေသည်။


သာမိကာရက အမည်အမျိုးအစား ဖြစ်ပြီး  မူလမဟာဘုတ်အနေအထား များပါ အားကောင်းသောအချက်များ နှင့် ပြည့်စုံနေခဲ့ပါမူ  အဆိုပါအမည်ရှင်တို့ကို ကိုယ်ဒူးကိုယ်ချွန် ဖြင့် အောင်မြင်သူ ဘ၀သို့ တက်လှမ်းနိုင်သူများ အဖြစ် တွေ့ရှိရတတ် ပေသည်။  သာမိကာရက အမည်ရှင်များ အနက်  သုံးဆယ်ရာခိုင်နှုန်းခန့်သည် တိုးတက်ရန်သေချာသော  အမည်ရှင်များ ဟုပင်ဆိုနိုင်ပေသည်။


သာမိကာရက အမည်ရှင်များသည်  ဘ၀တွင်  တိုးတက်စေရန်အတွက် မိမိတို့ကိုယ်တိုင်ပါဝင်  ဆောင်ရွက်မှသာလျှင် အောင်မြင်တိုးတက်မှု ပိုမိုရရှိစေနိုင်သည်။ ယုတ်စွအဆုံး ယတြာချေသည့် အခါတွင်သော်မှ  ကိုယ်တိုင်ပြုနိုင်မှ ယတြာမြောက်စေသည်။ ထို့အပြင် သာမိကာရက အမည်ရှင်များကို သူတစ်ပါးက ပျက်ဆီးအောင်ကြံဆောင်သော် ခက်ခဲတတ်ပြီး ၊ ယင်းအမည်ရှင်များ ကိုယ်၌ မိမိတို့ဘာသာ ပျက်ဆီးအောင် လုပ်ဆောင်မိခြင်း ကြောင့်သာ  လျှင်  ထိခိုက်နစ်နာစေနိုင်၏။ ထို့အတူ အောင်မြင်ကြီးပွားရေးအတွက်လည်း  သူတစ်ပါးက  မည်မျှ တိုက်တွန်းနှိုးဆော်ခြင်း၊ ကူညီဆောင်ရွက် ပေးခြင်းမျိုး ရှိနေစေကာမူ  ၊ ဇာတာရှင်    ကိုယ်တိုင် ပါဝင်ဆောင်ရွက်ခြင်းလောက်  မတိုးတက် မအောင်မြင်နိုင်ပေ ၊  ကာယကံမြောက်  မိမိကိုယ်တိုင် ပါဝင်ဆောင်ရွက်မှ ပြီးမြောက် အောင်မြင်ခြင်းသို့ စောလင်စွာ ရောက်ရှိနိုင်သူများ  ဖြစ်ပေသည်။


ယတြာပြုရာတွင်လည်း  အစာစားခြင်း ၊  သစ်ပင်စိုက်ခြင်း ၊ လေကိုရှုရှိုက်ခြင်း  ဆိုင်ရာ ယတြာများဖြင့် လိုက်ဖက်ညီညွတ်မှု ရှိကြသည့် အမည်ရှင်များလည်း ဖြစ်ကြသည်။


သက်ဆိုင်ရာ နာမည်အဖျားစာလုံး ပေါ်တွင် မူတည်ပြီး ဤသာမိကာရအမည်ရှင်များ ၏  အကျိုးစီးပွား နှင့်  ဘ၀ခရီးတွင် တွေ့ကြုံရမည့် သူတစ်ပါးကိုယ်စား ၀င်ရောက်လုပ်ကိုင်ပေးရမှု  အမျိုးအစား တို့သည်လည်း ကွာခြားကြကုန်ပေသည်။ သာမိကာရကအမည်ရှင်များ အနက်   အင်္ဂါ               အစ    +   ဗုဒ္ဓဟူး          အဆုံး    အမည်ရှင်များသည်  ဘ၀တွင် သူတစ်ပါးသားသမီး  မိမိရင်နှစ်သား ကဲ့သို့ ချစ်ခင်ရတတ်ခြင်း၊ (၀ါ)   သားသမီးမွေးစားရတတ်  ခြင်းကံ ရှိကြသူများ  ဖြစ်ကြသည်။  အထူးသဖြင့် တစ်ခုကြွင်း မဟာဘုတ်ဖွား အင်္ဂါသား သိုက်ဖွား ဇာတာရှင် ဖြစ်ပြီး သာမိ ကာရက အမည်ရှင်မျိုးဖြစ်ပါမူ  ယင်းကံအကျိုးပေးသည် ပိုမိုထက်သန် တတ်ပေသည်။ အဘယ်ကြောင့်ဟူမူ  ဤ အင်္ဂါ               အစ    +   ဗုဒ္ဓဟူး          အဆုံး   အမည်အမျိုးအစားတွင် ပါရှိသည့် အမည်အဖျားစာလုံးသည်  ဗုဒ္ဓဟူးဂြိုဟ် ဖြစ်ပြီး အဆိုပါ ဗုဒ္ဓဟူးဂြိုဟ်သည်  တပည့်သားမြေးဆိုင်   ရာ ဂြိုဟ်တစ်လုံးဖြစ်ခြင်းကြောင့် ၊ သာမိကာရက ပြုခြင်းအားဖြင့်  သူတစ်ပါးသားသမီးကို  မိမိပိုင် ပြုရခြင်းကံ  တနည်းအားဖြင့် သားသမီး မွေးစားရတတ်သော ကံကို ဖြစ်စေအပ်ရာ၏။


ဤသာမိကာရက အမည်ရှင်များ အနက် ဗုဒ္ဓဟူး            အစ    +   စနေ              အဆုံး  သာမိကာရ အမည်ရှင် အမျိုးအစားတို့မှာ  ဘ၀တစ်လျှောက်တွင်  ဒုက္ခသည်တို့ကို ဂရုပြုစစ်ဆေးပြီးမှ ကူညီပေးသင့်၏။ ကူညီခြင်းသည် မွန်မြတ်လင့်ကစား  ဤကဲ့သို့သော ဗုဒ္ဓဟူး            အစ    +   စနေ              အဆုံး သာမိကာရက အမည်ရှင်တို့မှာ  နာမည်အဖျားစာလုံး စနေဖြစ်နေခြင်းတွင် သာမိကရာက ပြုထားခြင်းအားဖြင့် ဘ၀တစ်လျှောက်တွင် သူတစ်ပါးဒုက္ခ ကိုယ့်ဒုက္ခ သဖွယ် ခံရတတ်   သည့်ကံမျိုး ရှိကြခြင်းကြောင့် တည်း။ ထို့ကြောင့် ဖြစ်နိုင်သမျှ ဝေးဝေးမှ ကူညီခြင်းသည်သာ  အသင့်လျော်ဆုံးဟု ဆိုနိုင်ပေလိမ့်မည်။


ချမ်းမြေ့ကြပါစေ။


ကိုစိုးမိုးထွန်း ( ဗေဒင်ပညာသုတေသီ )

Post a Comment
 

Posts Comments

©2006-2010 ·TNB