ဆန်းဝင်မှ လန်းရွှင်ပ မယ်ကွယ့်

Thursday, September 16, 2010

ဆန်းဝင်ခြင်း  နှင့်  ဆန်းကျင်ခြင်း ဟူသည် ဆန်းကျမ်းဗေဒင်မှ အယူအဆတစ်ရပ်ဖြစ်သည်။ ဆန်းဝင်တော့ ဘာဖြစ်သလဲ  ၊ ဆန်းမ၀င်တော့ကော ဘာဖြစ်သလဲ ဟု မေးရန်အကြောင်းရှိပါ  သည်။ ဆန်းဝင်လျှင် ကောင်းကျိုး တိုးတက်ပြီး ၊  ဆန်းကျင်လျှင် ကောင်းကျိုးပျက်ဆီး နိုင်ပေသည်။ ဤသို့ဆိုလျှင် အဘယ်အကြောင်းအရာတို့ကို ပြုမူမိလျှင် သို့မဟုတ် ကြုံတွေ့လျှင် ဆန်းဝင်စေနိုင်သနည်း ၊ ဆန်းကျင်စေနိုင်သနည်း။ ယင်းသို့ ဆက်လက်မေးပါမူ အဖြေအားဖြင့် အလွန်ကျယ်ဝန်း စေပေလိမ့်မည်။ အနှစ်ချုပ်  သဘောဖြေရပါမူ ဖြစ်သင့်သော အကြောင်းအရာ တို့ကို ပြုမူ မိလျှင် သို့မဟုတ် ကြုံတွေ့လျှင် ဆန်းဝင်စေနိုင်ပြီး ၊ မဖြစ်သင့်သော အကြောင်းအရာတို့ကို ပြုမူမိလျှင် သို့မဟုတ် ကြုံတွေ့လျှင် ဆန်းကျင်စေနိုင်၏  ဟုသာ ဖြေဆိုရပေလိမ့်မည်။

တနည်းအားဖြင့် ဆန်းဝင်သည် ဟူသည်မှာ ဤလောက၌ ဆီလျော်သင့်လျော် သော ဖြစ်သင့်ဖြစ်ထိုက်သော အကြောင်းတရားမှန်တို့ နှင့် ညီညွတ်ခြင်းကို ဆိုလိုခြင်းပင် ဖြစ်သည်။
 သဘာဝလောက ဟူသည်မှာ ယင်းသို့ ဖြစ်သင့်ဖြစ်ထိုက်သော အကြောင်းတရားမှန်တို့ နှင့် ညီ ညွတ်ပြည့်စုံလာပါက  အကျိုးတစ်ရားမှန် တို့သည်လည်း ပေါ်ထွန်း လာတတ်စမြဲ ဖြစ်သည်။  ထို့အတူပင် ဆန်းကျင်ခြင်း  တနည်းအားဖြင့် မအပ်သင့် မအပ်စပ်ရာသော  ချွတ်ချော်နေသည့်  အကြောင်းတရား တို့ ပေါ်ပေါက်လာပါကလည်း  လွဲမှားသောအကျိုး (၀ါ) ဆိုးကျိုးတို့သည် မုချ ဖြစ်ပွား တော့သည်သာ ဖြစ်သည်။

အကြင် တစ်ဦးတစ်ယောက်သည်  ဆန်းကျင်သော အဖြစ်အပျက်များ မကြာခဏ ဖြစ်ပျက် ကြုံတွေ့နေပါမူ  အမှန်စင်စစ်ပင်လျှင် ယင်းလူသည် အကျိုးပျက်ပြားမည်ကို ဖော်ပြပေသည်။ နည်းတူပင်  တစ်စုံတစ်ယောက်သည်  ဆန်းဝင်သော အဖြစ်အပျက်များ မကြာခဏ ဖြစ်ပွားကြုံတွေ့ လာသောအခါ ယင်းပုဂ္ဂိုလ်သည် မလွဲစင်စစ် ကောင်းကျိုးချမ်းသာ ရောက်ရှိခြင်းသို့  ဆိုက်ရောက်နိုင်တော့သည် ဖြစ်ရာ၏။

ဤတွင် စာရှုသူတို့အဖို့  ဆန်းဝင်ခြင်း ဆန်းကျင်ခြင်း ဆိုသည်နှင့် ပတ်သက်ပြီး ၊ ပိုမိုကျယ်ပြန့်စွာ သိရှိနားလည် လိုပေလိမ့်မည်။ ယင်းတို့ကို အဖြစ်နိုင်ဆုံး ပိုမိုနားလည် သဘောပေါက်နိုင်စေရန် ဆက်လက်ရှင်းလင်း တင်ပြပေးထားပေသည်။

ဆန့်ကျင်ဘက် အကြောင်းတရား နှစ်ရပ်

လောကတွင်  ဖြစ်ပျက်သမျှ အဖြစ်အပျက် ဟူသမျှတို့၌  နှစ်ပိုင်းနှစ်ရပ် နှစ်ကဏ္ဍဆီသာ ကွဲပြားကြကုန်၏။ ယင်းတို့မှာ အချင်းချင်း ဆန့်ကျင်ဘက် သဘောဆောင်၏။ ပမာအားဖြင့်

အထက်         နှင့်      အောက်
အလင်း          နှင့်      အမှောင်
အကောင်း      နှင့်      အဆိုး
အသစ်           နှင့်      အဟောင်း
အဖြူ             နှင့်      အမည်း
ရိုးဖြောင့်ခြင်း   နှင့်      ကောက်ကျစ်ခြင်း      
အမှန်            နှင့်      အမှား
အဖြောင့်        နှင့်      အကောက်
ဖို                 နှင့်      မ
အပူ              နှင့်      အအေး
မင်္ဂလာ          နှင့်      အမင်္ဂလာ

စသည်ဖြင့်  များစွာ များစွာ သော ဆန့်ကျင်ဘက် အကြောင်းတရားတို့သည်  ရှိကြကုန်၏။ ယင်းသို့ ရှိကြကုန်သော  ဆန့်ကျင်ဘက်အကြောင်းတရားတို့သည် သင့်လျော်စွာ တွဲစပ်ခြင်းရှိမှသာ ဆန်းဝင်ပြီး အကျိုးဖြစ်ထွန်း စေနိုင်၏။  မသင့်လျော်စွာ တွဲစပ်မိပါက ဆန်းကျင်ခြင်းကြောင့် အကျိုးပျက်ဆီး စေနိုင်ပေသည်။

ထပ်ဆင့်ဥပမာ ပြုရပါမူ လူတစ်ယောက်တွင်  ခါးအထက်ပိုင်း နှင့် ခါးအောက်ပိုင်း ဟူပြီး ရှိ၏။

ခါးအထက်ပိုင်း ၀တ်စားတန်ဆာ နှင့်   ခါးအောက်ပိုင်း ၀တ်စားတန်ဆာ ဟူ၍လည်း ရှိ၏ ။ အထက်ပိုင်းတွင် အထက်ပိုင်းဝတ်စားတန်ဆာတို့ ဆင်ယင်ခြင်းသည် ဆန်းဝင်ခြင်းမည်၏။ အောက်ပိုင်းကိုလည်း နည်းတူ အောက်ပိုင်းဝတ်စားတန်ဆာ တို့ ဆင်ယင်ခြင်းသည် ဆန်းဝင်ခြင်းပင် ဖြစ်၏။ ယင်းသို့မဟုတ်မူပဲ  ပုဆိုးလုံချည် တစ်စုံတစ်ရာကို ခါးအထက်ပိုင်းတွင် ခြုံလွှမ်းခြင်း ၊ ဆင်ယင်ခြင်းမှာ ဆန်းကျင်ခြင်းပင် ဖြစ်သည်။ ဤဥပမာ နှင့် အညီ ဖြစ်ခဲလှသော်  လည်း တစ်ခါတစ်ရံ မသိမသာဖြင့် ယင်းသို့ ဆန်းကျင်သည့် အခြေအနေလေးများ ဖြစ်ပွားနေ သည်ကို မကြာခဏ တွေ့ရဖူးလေသည်။ တစ်ခါက ဘတ်စ်ပေါ်တွင် နဘေးမှ အမျိုးသမီးငယ်တစ်ဦး နားတွင် နားဆွဲတစ်ခု ဆင်မြန်းထားရာ၊ ယင်းနားဆွဲမှာ ဖိနပ်ပုံနားဆွဲလေး ဖြစ်နေသည်ကို ထူးထူးဆန်းဆန်း တွေ့ရလေသည်။   ယင်းကဲ့သို့သော အချက်မှာ ဆန်းကျင်နေသည့် အချက်ဖြစ်ပြီး  အဆိုပါအမျိုးသမီးငယ်သည် ယင်းသို့ ဆန်းကျင် နေသော ဆင်ယင်မှု အားဖြင့်  မကောင်းသော သတင်းများနှင့် ဆိုင်သည့် ဆိုးကျိုးတစ်စုံတစ်ရာ ဖြစ်ပွားနေသူ သို့တည်းမဟုတ် ဖြစ်ပွားတော့မည့်သူ ဖြစ်ကြောင်း သိရှိနိုင်ပေသည်။ အဘယ်ကြောင့်ဟူမူ နားသည် သောတအာရုံပြုရာ ဌာနဖြစ်ပြီး၊ ကြားခြင်းသဘော ဆိုးကျိုးဖြစ်ခြင်းကြောင့် မကောင်းသတင်း ဟု ဆုံးဖြတ်နိုင်လေသည်။

လောက၌ အတိတ်တဘောင် နိမိတ်တို့ ဟူသည်မှာ အနာဂတ်တွင်ဖြစ်ပေါ်လာမည့် အကြောင်း အရာတို့ ၏ ရှေ့ပြေးအရိပ်ထင်ဟပ်မှု နှင့် အလားသဏ္ဍန်တူ၏ ။ ယင်းတို့ကို မထီမဲ့မြင် ၊ မပြုအပ်ပါပေ ။

အတိတ်သမိုင်း တွင်လည်း အယူတော်မင်္ဂလာ ဦးနိုး ခေါ် မြန်မာပညာရှိ အကျော်အမော်တစ်ဦး   ပေါ်ထွက်ခဲ့ပြီး ၊ အတိတ်တဘောင် နိမိတ်တို့ကို ဖတ်ကြားရာတွင် သူမတူအောင် ထူးချွန်သူ အဖြစ်လည်း  ထင်ရှားခဲ့ဖူး၏။ အဆိုပါ အယူတော်မင်္ဂလာ ဦးနိုး သည် အရူးဇော်တမော် ကိုင်ဆောင်လာသော လက်တစ်ဖက်ဆီမှ ပျိုးစည်း တစ်စည်း နှင့် ပြောင်းစည်း တစ်စည်း တို့ကို ကြည့်ရှုပြီး ဆန်းကျင်နေသော သဘာဝကို ထင်ထင်ရှားရှားမြင်ရခြင်းကြောင့် ၊ ထို့သို့မြင် တွေ့ရာ အရပ်ဖြစ်သော ငါးရာများရွာ  မှ လူအများကို ၊ မကြာမီ တောင်ကျရေနီ ဖြိုဖျက်၍ မြို့ရွာ ပျက်ကိန်း မြင်သည် ၊ သင့်ရာသို့ပြောင်းရွှေ့ကြဟု သတိပေးခဲ့၏။

သတိပေးခဲ့သည့်အတိုင်းပင်လျှင် ၁၅ရက် ကျော်လွန်သော် မိုးသည်းထန်စွာရွာသွန်းမှုကြောင့် ရေဘေးသင့်ပြီး  လူသူအများအပြား အသက်ဆုံးရှုံးကြရလေသည်။ ဦးနိုး နိမိတ်အရ သတိပေးသည်ကို ယုံကြည်ပြောင်းရွှေ့ကြသူ အချို့သာလျှင် အသက်ဘေးမှ လွတ်ကင်းကြလေသည်။

အယူတော်မင်္ဂလာဦးနိုး သည် အရူးဇော်တမော် နှင့် လက်တစ်ဖက်ဆီမှ ပျိုးစည်းတစ်စည်း ၊ ပြောင်းစည်းတစ်စည်း တို့ကို မြင်သောကြောင့် ယင်းသို့ နိမိတ်ဖတ် ဟောဆိုခဲ့ခြင်းဖြစ်ပေသည်။

ကျမ်းတို့တွင်မူ ပျိုးသည်လည်းကောင်း ၊ ပြောင်းသည်လည်းကောင်း ၊ ဇော်တမော် မှ မော်  သည်လည်းကောင်း ကြာသာပတေး နံများ ချည်းဖြစ်သလို မိုးသည် လည်း ကြာသာပတေးနံ ဖြစ်၏ ။ ထို့ကြောင့် ငါးရက်သုံးလီ ၊ လွန်ပျိုအီ ၊ ရေနီဖျက်၍ ပြိုလတ္တံ့ ဟု  အမှာထွက်  ကောက်ယူဆုံးဖြတ်သွားကြောင်း ဖော်ပြထားလေသည်။

စာရေးသူအနေနှင့် ယင်းအထက်ပါဖြစ်စဉ်ကို ကြည့်ရှုဖတ်သိရာတွင် ပျိုး  နှင့် ပြောင်း သည် သဘာဝချင်း  ဆန့်ကျင်ဘက်ပြုနေကြသည့် ဆန်းကျင်နေသော အကြောင်းအရာတစ်ခုအဖြစ် ရှုမြင်မိပေသည်။ ပျိုး ဟူသည်မှာ  အစကနဦးဖြစ်ခြင်း တည်ဆောက်ခြင်းသဘော၊ အပြုသဘာဝ ကို ဖော်ပြပြီး ၊ ပြောင်းဟူသည်မှာမူ  အဆုံးသတ်ခြင်း ၊ ဖျက်သိမ်းခြင်း ၊ အဖျက်သဘာဝကို ဖော်ပြနေပေသည်။ ယင်းသို့ သဘာဝခြင်း ဆန့်ကျင်ဘက်ဖြစ်နေသော အကြောင်းတရား နိမိတ် နှစ်ခု ကို လူတစ်ယောက်ထဲက ကိုင်ဆောင်လာပြီး ၊ (ယင်းအကြောင်းတရား နှစ်ခု တစ်နေရာတည်းတွင် စုဝေးနေခြင်း ) ၊ ကိုင်ဆောင်လာသူမှာ လူကောင်းမဟုတ် ။  သူရူး ဖြစ်နေခြင်းမှာ ပကတိ (ဖြစ်ရိုးဖြစ်စဉ်) မဟုတ်ခြင်း။

ပျိုးသည် ဗုဒ္ဓဟူးဂြိုဟ် ၏ သဘာဝ ၊ ပြောင်းသည် ရာဟုဂြိုဟ်၏ သဘာဝ များကို ဖော်ပြနေပြီး ၊

ယင်းဂြိုဟ်နှစ်ခု သည် ဘင်္ဂဌာနနှင့် သက်ဆိုင်သော ဂြိုဟ်များ ဖြစ်နေခြင်း ၊ တို့ကြောင့် အမှန်ပင် မုချမသွေ ပြောင်းရွှေ့ရခြင်း ၊ အပြောင်းအလဲကြီးမားစွာ ပေါ်ပေါက်လာတတ်ခြင်း ၊ နှင့် ဆိုးဆိုးဝါးဝါးတစ်စုံတစ်ရာ အကျိုးပျက်ပြားစေတော့မည်ကို အထက်ပါ ဆန်းကျင်နေသော ဖြစ်ရပ်များက ဖော်ပြနေခြင်းဟု တွေးမြင်မိပါသည်။

သို့ဖြစ်ခြင်းကြောင့်  လောက၌ ဆန်းဝင်ခြင်း ဆန်းကျင်ခြင်း ဟူသည်မှာ အလွန်အရေးပါပြီး ၊ သတ္တ၀ါတို့၏ အကျိုးစီးပွား တိုးတက်ခြင်း ၊ ဆုတ်ယုတ်ပျက်ဆီးခြင်း တို့မှာ ယင်းကဲ့သို့သော ဆန်းဝင်ခြင်း ဆန်းကျင်ခြင်းများ အပေါ်တွင်လည်း များစွာမူတည်နေကြောင်း ရဲရဲဝံ့ဝံ့ ပြောနိုင် ၊ ပြောအပ်ရာပေသည်။

အထက်ပါ ရှင်းလင်းတင်ပြချက် များသည် ဥာဏ်ရည်ရင့်သန်သူများ အဖို့ ကောင်းစွာ သဘောပေါက် ရှင်းလင်းပြီး ဖြစ်ပေလိမ့်မည်။ ဆန်းဝင်ခြင်း ဆန်းကျင်ခြင်း ဟူသည်ကိုသော်  လည်းကောင်း ခွဲခြား သိမြင်နိုင်ပေလိမ့်မည်။ အကယ်၍ မခွဲခြားနိုင်သေး ပါက အောက်ပါအတိုင်း သိမှတ်ထားရပါမည်။

ဖြစ်သင့်သောအကြောင်းအရာတို့နှင့် ညီညွတ်ခြင်း သည်  ဆန်းဝင်ခြင်းမည်၏ ။

မဖြစ်သင့် သောအကြောင်းအရာတို့ နှင့် ညီညွတ်နေခြင်းသည်  ဆန်းကျင်ခြင်း မည်၏ ။

ဆန်းဝင်သော် အကျိုး စီးပွား တိုးတက်ခြင်းသို့ ရောက်ရှိရာ၏။

ဆန်းကျင်သော် အကျိုးပျက်ပြား ဘေးဥပဒ်ပွားများစေသတည်း။

လူသူခပ်သိမ်း ဘေးရန်ကင်း ၊ တိုးတက်ခြင်းသို့တိုင်ပါစေ။
ကိုစိုးမိုးထွန်း ( ဗေဒင်ပညာသုတေသီ )  kosoe069@gmail.com

ဆန်းဝင်ခြင်း ဆန်းကျင်ခြင်း နှင့် ပတ်သက်ပြီး အလျဉ်းသင့်သမျှ ဆက်လက်ဖော်ပြရေးသား ပေးသွား ပါမည်။ 

Post a Comment
 

Posts Comments

©2006-2010 ·TNB