ကောဇာမြန်မာခုနှစ် ၁၃၇၆ ခုနှစ် အကြောင်း

Friday, April 11, 2014



ကောဇာမြန်မာ နှစ်သစ် ၁၃၇၆ ခုနှစ် ကံဇာတာ


ယခုကောဇာ နှစ်သစ်ကတော့….. မြောက်များစွာသော ဟိုတယ်နှင့် ခရီးသွားလုပ်ငန်းများအတွက် အခွင့်သာနိုင်သော ကောဇာခုနှစ်တစ်ခုပဲ ဖြစ်ပါလိမ့်မယ်။


ကမ္ဘာ့လူသားပေါင်းများစွာ ရဲ့ အလိုဆန္ဒများထဲမှာ ခရီးသွားလာခြင်း ဆိုတဲ့ အာသီသတွေ နွေဦး ပုရစ်ဖူးလေးတွေလို အလျှိုလျှို ပေါ်ထွန်းလာတတ်သော ဒီလိုကောဇာနှစ်မျိုးကတော့ …ခရီးသည်ပို့ဆောင်ရေးလုပ်ငန်းများ ၊ ဟိုတယ်နှင့် ဂိတ်စခန်း များမှာ စားသောက်ကုန်ရောင်းချခြင်း လုပ်ငန်းများ …အကျိုးစီးပွား ဖြစ်ထွန်းစေဖို့ …လက်ယပ်ခေါ်ပေးနေမယ့် နှစ်တစ်နှစ်ပါပဲ ..။

ဒါကြောင့် မိမိတို့ ဥာဏ်နဲ့ဆီလျော်သမျှ ခရီးသွားလုပ်ငန်းများနဲ့ ၄င်းနဲ့ဆက်စပ်လုပ်ငန်းများမှာ …အခွင့်အလမ်း ရှာဖွေနိုင်သူများအတွက် …အကျိုးစီးပွား ဖြစ်ထွန်းစေမယ့် အချိန်ကောင်းတစ်ခုလို့ ဆိုနိုင်မှာပါ။

ဒီနှစ်ထဲမှာ အားအကောင်းဆုံး အတောက်ပဆုံးကတော့ တနင်္လာဂြိုဟ်ပဲ ဖြစ်ပြီး..၊ တနင်္လာဂြိုဟ်လွှမ်းမိုးသော နှစ်တစ်ခု ပီပီ …၊ ကမ္ဘာပေါ်မှာ ငြိမ်းချမ်းရေး အင်အားစုအချို့ သိသိသာသာပေါ်ထွန်းလာပါမယ်။ ရှေးယခင်ကထက် …လူများစွာရဲ့ ရင်ထဲမှာ လွတ်လပ်ခြင်းကို တန်ဖိုးထားမှု ပိုမိုလာကြမယ့် အချိန်ဖြစ်သလို….၊ လူသားမျိုးနွယ်စုတွေထဲမှာ အမျိုးသမီး ခေါင်းဆောင်များ ပိုမိုနေရာယူ ထင်ရှားလာတတ်ချိန်မျိုးလည်း ဖြစ်ပါတယ်။ (ဒီအချက်ဟာ မြန်မာ့နိုင်ငံရေး ..အခြေအနေမှာလည်း ..တစ်မျိုးတစ်ဖုံ ..အင်အား သက်ရောက် လာနိုင်ပါတယ်။ )

ခရီးသွားလုပ်ငန်းများနည်းတူ….၊ခြံမြေယာဉ်ကားလုပ်ငန်းများ ၊ ရေလုပ်ငန်းများ၊ ပင်လယ် ကမ်းခြေဒေသများ နှင့် ဆက်စပ်လုပ်ငန်းများ ၊ သင်ကြားရေးဆိုင်ရာလုပ်ငန်းများ …အင်အား ကောင်းမွန်လာပါမယ်။ အထူးသဖြင့် …နိုင်ငံအသီးသီးမှာ ပညာရေး နဲ့ သင်ကြားရေး ဆိုင်ရာကဏ္ဍတွေကို အထူးအလေးပေးလာတတ်သော နှစ်မျိုးလည်း ဖြစ်ပါတယ်။

အသင်းအဖွဲ့အမျိုးမျိုး ၊ ပါတီအမျိုးမျိုး  …ပိုမိုပေါ်ထွန်းလာတော့မှာ ဖြစ်သလို…၊ ငြိမ်းချမ်းရေး ကိုယ်စားပြု …လှုပ်ရှားမှုတွေလည်း ရှိလာမှာဖြစ်ပါတယ်။

ထို့နည်းတူ အခြားတစ်ဖက်မှာတော့ ….စစ်မက်နဲ့ အားပြိုင်မှုတွေကို …ဖော်ပြသော အဓိပတိဌာနမှာ  တနင်္ဂနွေဂြိုဟ် နေမင်း ( ကိုးကွယ်ယုံကြည်မှု ) ရပ်တည်နေတဲ့ နှစ်ဖြစ်တာကြောင့် ….၊ အယူဝါဒ နဲ့ ကိုးကွယ်ယုံကြည်မှု ဆိုင်ရာ အားပြိုင်မှုတွေ၊ ဘာသာရေး အားပြိုင်မှုတွေ လည်း ရှိနေနိုင်ပါတယ်။ ဒါသည် မြန်မာတစ်နိုင်ငံထဲနဲ့  ဆိုင်သော ကံအခြေအနေ တစ်ရပ်မဟုတ်ပါ။ လူသားအားလုံးနဲ့ ဆိုင်တဲ့ …အားပြိုင်မှု တစ်ရပ်ပဲ ဖြစ်တာမို့ ကမ္ဘာ့နိုင်ငံအသီးသီးမှာ …အတိုင်းအတာ ကိုယ်ဆီ ပေါ်ပေါက်လာနိုင်ပါတယ်။ ဒါကြောင့် မြန်မာနိုင်ငံအပါအ၀င် စနက်တံ မီးကူးပြီးသား …နိုင်ငံများအဖို့တော့ သတိ အနည်းငယ် ထားရပါလိမ့်မယ်။

ကမ္ဘာနဲ့ အ၀ှမ်းမှာ ဆက်သွယ်ရေးပိုင်းဆိုင်ရာ ပြုပြင်ပြောင်းလဲရေး တွေ အမြောက်အများ ပေါ်ထွန်းလာမှာ ဖြစ်သလို…၊ ဆေးဝါးနယ်ပယ်မှာတော့ ….အားပြိုင်စစ်ထိုးမှုတွေ ၊ ဆေးတစ်မျိုးနဲ့ တစ်မျိုး ….ဈေးကွက်နေရာလုပွဲတွေ ပိုမို ပြင်းထန်လာမှာ ဖြစ်ပါတယ်။ ဘဏ်လုပ်ငန်းများ ဖွင့်ဖြိုးတိုးတက်မှု အားကောင်းတတ်သော …ခုနှစ်မျိုး ဖြစ်ပြီး ၊ အချို့သော ဆေးဝါးလုပ်ငန်းများ၊ ဘယဆေး လုပ်ငန်းများ၊ ဆေးရုံ ဆေးပေးခန်း၊ ဆေးဆိုင် လုပ်ငန်းများ …ဒေ၀ါလီခံသွားရတဲ့အထိ ..ရင်းနှီးမြုပ်နှံမှု အမှားအယွင်းတွေလည်း ကြုံတွေ့ရတတ်သော အချိန်ပါပဲ..။

တနည်းအားဖြင့် ၁၃၇၆ခုနှစ်ဟာ ဆေးဝါးဆိုင်ရာရင်းနှီးမြုပ်နှံမှု အတွက် သတိကြီးစွာ ထားအပ်သော ခုနှစ်တစ်ခု ဖြစ်တာ  အမှန်ပါ။

ဘာပဲဖြစ်ဖြစ် …ကောဇာမြန်မာခုနှစ် ၁၃၇၆ခုနှစ်ကို ကျွန်တော်တို့အားလုံး ရောက်ရှိခဲ့ပါပြီ ။ ဆိုသည့်အတိုင်းလည်း ….မိမိတို့ရဲ့ နေ့နံ အသီးသီးအလိုက် …ကောဇာခုနှစ်အရ ကံဇာတာ သက်ရောက်မှုတွေကလည်း ပြောင်းလဲစပြုနေပြီ ဖြစ်ပါတယ်။ နေ့နံ အသီးသီးအလိုက် အသေးစိတ် အနုစိတ် ကံဇာတာအပြောင်းအလဲများကိုတော့ …နောက်ဆောင်းပါးများမှာ ဆက်လက် တင်ပြပေးပါမယ်ခင်ဗျား….။

အားလုံးပဲ ကောင်းမြတ်သော နှစ်သစ်မင်္ဂလာ ဖြစ်ကြပါစေ ဆုတောင်းလျှက်…..

ကိုစိုးမိုးထွန်း (ဗေဒင်ပညာသုတေသီ)
သုတေသီ ဝေသာလီမောင်ဖုန်း
09 318 17 287 ၊ 01 618 469

Post a Comment
 

Posts Comments

©2006-2010 ·TNB