Monday, February 5, 2018

သာယာစိတ်လေး နှင့် ဆက်ပေးပါ
=======================
ကဲ...စိတ်ကူးရှိပြီး....မရေးဖြစ်မတင်ဖြစ် ..ဖြစ်နေတဲ့ ဆောင်းပါးလေးတစ်ပုဒ် ဒီတစ်ခါတော့ မဖြစ်မနေရေး တင်ပေးလိုက်ပါဦးမယ်။
အချို့သော ကိုယ်ဝန်ဆောင်မိခင်များ ...မမွေးဖွားမီ Results မကောင်းတာ ..၊ ကိုယ်ဝန် သန္ဓေသား ပျက်ချင်ချင် ဖြစ်နေတာမျိုးတွေ ကြုံလာကြတတ်ပါတယ်။
-----------
ဘာလုပ်သင့်သလဲ..???
----------------------------
အသက်ဆက်စေသော ယတြာလေး လုပ်ပေးသင့်ပါတယ်။
အသက် ဆက်စေသော ဆိုမှတော့ အသက်ရှည်သော ပုဂ္ဂိုလ်တွေ ကို မှီခိုမှ သင့်ပါတော့မယ်။ ဘယ်ပုဂ္ဂိုလ်တွေ ဖြစ်မလဲ...သက်ကြီးရွယ်အိုတွေ (သက်တမ်းရှည်စွာ နေထိုင်နေရသူတွေ ဆိုပါတော့) ။ သူတို့ကို အမှီပြုရပါတယ်။
ဘယ်လိုအမှီပြုရမလဲ။


ထိုသက်ကြီးရွယ်အိုများ (ဘိုးဘွားရိပ်သာမှာပဲဖြစ်စေ) ...
အစားအစာ နဲ့ ဆေးဝါး များ လှုပေးရပါတယ်။
အစား နဲ့ ဆေးသည် အသက်ဓါတ်ရှင်သန်ရေးအတွက် လှုံ့ဆော်အားပေးပါတယ်။

ဘယ်ငွေနဲ့လှုမလဲ...???
-----------------------------
မမွေးဖွားရသေးမီ ဆိုတော့ ....ဗိုက်ထဲက သန္ဓေသား ရင်သွေးလေးကို ..ဖေဖေ မေမေ ဖိုးဖိုး ဖွားဖွား စသည်ဖြင့်တို့က....မုန့်ဖိုးအဖြစ်ပေးသောငွေကလေးကို ..မိခင်ဝမ်းဗိုက်နဲ့ အသာလေးထိ ပေးလိုက်။ ထိုငွေနဲ့ ကုသိုလ်ပြုပေးရပါတယ်။
ပြီးရင် ထိုကုသိုလ်ကို ဗိုက်ကလေးကို မိခင်ကိုယ်တိုင်ပဲဖြစ်ဖြစ် (ပိုကောင်းတာကတော့ ဖခင်ဖြစ်သူကပေါ့) ပွတ်ပြီး ....ဒီကုသိုလ်လေးကို သန္ဓေသား ကိုရည်ရွယ်ပြီး ပြောပြပေးရပါတယ်။

မသိနိုင် နားမလည်နိုင်သေးသူကို ပြောပြလို့ အကျိုးဖြစ်စေပါ့မလား ???
---------------------------------------------------------------------------------
တစ်ခါတုန်းက ဖားလေးတစ်ကောင်ဟာ မြတ်စွာဘုရားရှင် တရားဟောနေသည့် တရားသံကို သာယာနေခဲ့ပါတယ်။ ဘာမှန်းတော့ နားမလည်ဘူးပေါ့....။
အဲဒီ့အချိန်လေးမှာပဲ နွားကျောင်းသားက အမှုမဲ့....တုတ်နဲ့ထောက်လိုက်တာ ဖားကလေး ဇီဝိန်ချုပ်သွားပါရောလား။
တရားသံကို သာယာနေတဲ့ စိတ်ကလေးနဲ့....သေသွားရသည့်အတွက် ထိုသာယာနေသည့် စိတ်ကလေးရဲ့သတ္တိသည် နတ်ပြည်မှာ နတ်သားဖြစ်သွားစေသည်အထိ ဆွဲခေါ်သွားပါတယ်။
ပြောချင်တာက.....နားမလည်ဘူး ဆိုပြီး ဥပေက္ခာမပြုပါနဲ့။ ကုသိုလ်အသံလေးကို ကလေးငယ် သန္ဓေသားလေးကို သာယာပါစေ။
တစ်ကယ်တော့ ဗိုက်ထဲက သန္ဓေသားလေး အတွက်မှမဟုတ်ပါ။ အပြင်ရောက်နေပြီဖြစ်တဲ့ ကလေးသူငယ် ရင်သွေးငယ်များ မကျန်းမာရင်လည်း ဒီနည်းလေးနဲ့ ကုသိုလ်ဆက်ပေးသင့်ပါတယ်။
ဖေဖေ မေမေ များက အရေးတစ်ယူ ကလေးနားမှာ ကုသိုလ်ပြုပေးခဲ့တာလေးတွေကို ပြောပေးသင့်လှပါတယ်။
ကလေးမှာ ထိုအသံလေးကို ...သာယာစိတ်ကလေး ဖြစ်လိုက်တာနဲ့ကို...အကျိုးက ကျယ်ပြန့်သွားနိုင်ပါတယ်။
ဒီနည်းလေးနဲ့ အသက်တိုင်းကို ဆက်နိုင်မည်တော့ မပြောလိုပါ။ သတ္တ၀ါတို့ဟာ သူတို့ကံနဲ့ သူတို့ လာကြတာပါ။ အကုသိုလ်ကံ ..အနဲအများ အထူအပါးလည်း မတူညီကြပါ။
သို့သော် ဒီနည်းလေးနဲ့....တော်တော်များများသော ကိုယ်ဝန်ဆောင်မိခင် တွေနဲ့ သန္ဓေသားလေးတွေ ...ကောင်းစွာ ဖွားမြင်နိုင်လာကြတာတော့ ..
မောင်ဖုန်း ...အမြဲပီတိဖြစ်စရာ မက်ဆေ့ရ်ှမှတ်တမ်းလေးတွေ ရှိခဲ့ပါတယ်။
ရေးပေးချင်နေတာကြာပါပြီ။ ဒီမနက် ကိုယ်ဝန်ဆောင်ညီမတစ်ယောက် အကူညီလာတောင်းတာနဲ့ ဖုန်းနဲ့ပဲ ရှင်းပြပေးလိုက်မိပြီး...အခြားသူတွေလည်း ဖတ်စေချင်တာကြောင့် ရေးတင်ပေးလိုက်ပါတယ်ခင်ဗျာ။
အားလုံးပဲ ...
မိခင်များ ရင်သွေးများ ကျန်းမာချမ်းသာခြင်း ရှိကြပါစေ။
ဘ၀အဆက်ဆက်..သတ္တ၀ါအများကို ပညာဖြင့် ကျေးဇူးပြုနိုင်သူ ဖြစ်ရပါလို..။
လေးစားစွာဖြင့်
ကိုဖုန်း။
သုတေသီဝေသာလီမောင်ဖုန်း။
09 789 333 791

Post a Comment
 

Posts Comments

©2006-2010 ·TNB