Wednesday, April 18, 2018







ဗုဒ္ဓဟူးနေ့ဖွားတို့ ကံဇာတာ ( ၁၃၈၀ခုနှစ်)
==============================
ယခုနှစ် ၁၃၈၀ခုနှစ်ကတော့ ဗုဒ္ဓဟူး ရာဟု ဖွား များစွာအတွက် ... ဘ၀ရုန်းကန်ရမှုတွေ ..အခက်အခဲတွေ...စိတ်ဖိစီးမှုနဲ့ တာဝန်ယူရမှုတွေ များပြားမယ့် ခုနှစ်မျိုးလို့ ဆိုရပါလိမ့်မယ်။
လူတွေက ကိုယ့်ကိုမြင်လိုက်တာနဲ့ အလိုလိုနေရင်းကို ...တာဝန်ယူစေလို..ခိုင်းလို...နှိမ်လို...အမုန်းပွားလိုစိတ် ပေါ်လာနေတတ်သော ကောဇာနှစ်မျိုးပဲ ဖြစ်ပါတယ်။ ဘာပဲဖြစ်ဖြစ် အဆိုးထဲမှာ အကောင်းတွေလည်း ရှိနေနိုင်တာမို့......
အသေးစိတ်အားဖြင့် …..ကဏ္ဍအနဲငယ်ခွဲခြားပြီး အောက်မှာ ဆက်လက်ရေးသားပေးလိုက်ရပါတယ်။

အလုပ်အကိုင်
=========
အတိုက်အခံ အပြိုင်အဆိုင် သိပ်များမယ့်ကာလပါ။ အကျိုးစီးပွားကို အားပြိုင်မှုတွေနဲ့အတူ...လုယက်ယူငင်နေရတတ်သော ကာလပါပဲ။ နေရာတိုင်းမှာ ...မိမိအကျိုးစီးပွား ကို ..ရန်သူအားပြိုင်ဘက်တွေကြားက တိုက်ခိုက်ယူရမယ့်ကာလမျိုးလို့ ဆိုနိုင်ပါတယ်။ တစ်ချို့နေရာတွေမှာဆို..ကိုယ့်ကိုယ်ပါ အနာခံပြီးမှ ကိုယ်လိုချင်တဲ့အကျိုးစီးပွားကို ရမယ့်အနေအထားတွေပါ ကြုံလာရတတ်ချိန်ပါ။
မေတ္တာရေး
========
မေတ္တာရေးကံ မှာ ကောင်းမွန်တတ်သောကာလဖြစ်ပါတယ်။ အချစ်ရှာဖွေနေသူများ အဖို့တော့ ဒီနှစ်မှာ ကိုယ်တစ်ကယ်မြတ်မြတ်နိုးနိုး ချစ်ရမယ့် ချစ်သူမျိုး တွေ့လွယ်လာတတ်ချိန်ပါ။ ငယ်ငယ်ချောချော...လှလှပပ ချစ်သူမျိုးနဲ့လည်း ဆုံဆည်းရတတ်ချိန်မို့..ဒီတစ်နှစ်တော့ ဖူးစာရေးနတ်က...မျက်နှာသာပေးလာသော နှစ်လို့ ဆိုရမယ့်အနေအထားဖြစ်ပါလိမ့်မယ်။ မေတ္တာရေး အဆင်ပြေလိုသူများအဖို့ အနက်ရောင်ကို အထူးရှောင်သင့်သော ကာလဖြစ်တယ်ဆိုတာကိုတော့ မမေ့အပ်ပါခင်ဗျား။
ပညာရေး
======
ပညာရေး မှာ အထောက်အပံ့ ရတတ်သော ကာလဖြစ်ပါတယ်။ စွမ်းဆောင်ပြနိုင် ...မိမိကလည်း ...တိုးတက်အောင်လုပ်ဆောင်ပြနိုင်စွမ်း ပိုမိုရလာတတ်သော ခုနှစ်မျိုးပါပဲ။ ဒါပေမယ့် မှတ်ဥာဏ်အား ကျဆင်းမှု ဗုဒ္ဓဟူးနေ့ဖွားအချို့ရင်ဆိုင်ရတတ်သော နှစ်မျိုးဖြစ်တာကြောင့်....တစ်ကြိမ်နဲ့ ပြီးမြောက်ရမယ့် နေရာတွေမှာ နှစ်ကြိမ်သုံးကြိမ် အပြန်ပြန် လုပ်ကိုင်နေရခြင်းမျိုးလေးတွေတော့ ရှိလာနိုင်ပါတယ်။ ပညာရေးနဲ့ပတ်သက်ပြီး အရေးကြီးသော ...စာမေးပွဲစသည်ဖြေဆိုဖို့ ကြုံလာမယ့် သူတွေအနေနဲ့ကတော့ ... အဖြူရောင် နဲ့ နံသာရောင်ကို အဓိက အသုံးပြုသင့်ပြီး...အစိမ်းရောင်နဲ့ အနက်ကို လျော့ချအသုံးပြုသင့်လှပါကြောင်း....။
ကျန်းမာရေး
========
ဒီတစ်နှစ်က ..ရုပ်ပိုင်း စိတ်ပိုင်း ...ချွတ်ချော်လွယ်လှသော နှစ်မျိုးပါ။ စိတ်ဓါတ်ကျစရာတွေ ပဲဖြစ်စေ...ရုပ်ပိုင်းတစ်ချောင်ချောင်ဖြစ်လာတာမျိုးပဲ ဖြစ်စေ ...ကြုံလွယ်နေပါတယ်။ ဒီနှစ်က အဘက်ဘက်မှာ ချွတ်ခြုံကျလာတတ်တာတွေကို တားဆီးမှုးပြုနိုင်ဖို့ အရေးကြီးလှတဲ့နှစ်မျိုးပါ။ ဒါကြောင့် ကျန်းမာရေးနဲ့ပတ်သက်လို့လည်း မပေါ့ကျဖို့သာ ..အသိပေးလိုက်ရပါတယ်။ ကျန်းမာရေး အားနဲနေသူများအဖို့ ...ရေနဲ့နီးစပ်သော နေရာများမှာ မနေအပ်လှပါခင်ဗျား။
အထွေထွေသုံးသပ်ချက်
================
ဗုဒ္ဓဟူး ရာဟု ဖွားတွေအတွက် အခက်အခဲ ဆိုတာတွေကို စိန်ခေါ်ဖြတ်ကျော်ရမယ့် နှစ်မျိုးဖြစ်ပါတယ်။
ခါတိုင်းထက်ပိုပြီး ခက်ခဲလာမယ်။ ကျပ်တည်းလာမယ်။ ရုန်းကန်လာရပါမယ်။
ဇွဲဆိုတာကို မှ မပိုင်ဆိုင်ရင် ဒီတစ်နှစ်သည် မလွယ်ကူပါ။ ဇွဲဖြင့် သီးခံဖြတ်သန်းနိုင်မှသာ အဆုံးမှာ အောင်မြင်မှု ရတတ်သော ကာလမျိုးဖြစ်ပါတယ်။
ဒီတစ်နှစ်ထဲမှာ အမွေအနှစ်ရစရာရှိသော ဗုဒ္ဓဟူး ရာဟုများ အမွေအနှစ်ရရှိတတ်ပါတယ်။ နေရာထိုင်ခင်းကဏ္ဍ ဗုဒ္ဓဟူးတွေ အဆင်ပြေတတ်ပါတယ်။ ရာဟုတွေလည်း နေရာထိုင်ခင်းကံ ကောင်းတတ်ချိန်ပါ။ သို့သော် ရာဟုတွေ အတွက် ...နေရာထိုင်ခင်းကံ ကောင်းသော်လည်း ...ကိုယ်လိုချင်နှစ်သက်နေသော အခြားအစိတ်အပိုင်း ကဏ္ဍတစ်ချို့ကို နေရာထိုင်ခင်း ကဏ္ဍကို ငဲ့ကွက်ပြီး ...စွန့်လွှတ်ခွဲခွာရတတ်ပါတယ်။ ဥပမာအားဖြင့် ရာဟုနေ့ဖွားတွေအဖို့ ...ကိုယ်လိုချင်တဲ့ရာထူးဌာန နေရာကောင်းမျိုးကိုတော့ ရပါရဲ့.....ကိုယ်ချစ်တဲ့သူတွေနဲ့တော့ ခွဲနေရတတ်သည့် ကံမျိုးဆန်ဆန် လာကြုံတွေ့ရတတ်သော ကာလပါပဲ။
အရင်းအနှီးရလွယ်ခြင်း ..၊ ရင်းနှီးမြုပ်နှံမှုမှ အကျိုးခံစားရခြင်း များ ရရှိတတ်သော ကာလဖြစ်ပါတယ်။
တူတူမ တစ်ဦးဦးရဲ့ ချစ်ခင်သော အကူညီကောင်းမျိုးကိုသော်လည်းကောင်း၊ လက်အောက်ငယ်သား တစ်ဦးဦးထံမှာ ချစ်ခင်သဖြင့် ကူညီပံ့ပိုးပေးခြင်း မျိုးကိုသော်လည်းကောင်း ခံစားကြုံကြိုက်ရတတ်ချိန်လည်းဖြစ်ပါတယ်။
အနှစ်ချုပ်ရရင် ဒီနှစ်သည် ဗုဒ္ဓဟူးရာဟုဖွားတွေအတွက် နဲနဲ ပိုမောလာမယ့်ကာလပါ။ တောင့်ခံထားပါ။ ဇွဲရှိပါ။ ရှေ့နှစ် ၁၃၈၁ခုနှစ် ရောက်ပြီဆိုရင် ဗုဒ္ဓဟူးရာဟု အများစုအဖို့ အမောပြေ စရာ ကံလေးတွေ ဆီးကြိုနေပါလိမ့်မယ်ခင်ဗျား။
ကဲ ... ဆက်လက်ပြီး ...ဗုဒ္ဓဟူးရာဟုဖွားတွေကိုမှ....မှည့်ခေါ်ထားသော အမည်အဖျားစာလုံးများ အလိုက်.....ခွဲခြား ရေးသားဖော်ပြပေးသွားပါ့မယ်ခင်ဗျာ။
အမည်အဖျားစာလုံး (၀ါ) အမည်တစ်ခုရဲ့ အဆုံးစာလုံး ဆိုတာသည်....ဥပမာ စိုးမိုးထွန်းမှာ ဆို ...ထွန်းသည် အမည်အဖျားစာလုံး ဖြစ်ပါတယ်။ ၄င်းကဲ့သို့ အမည်အဖျားစာလုံးများအပေါ်မူတည်ပြီး ဗုဒ္ဓဟူးရာဟုဖွားတွေရဲ့ ကံဇာတာကို လည်း အသေးစိတ်ထပ်မံရေးသားဖော်ပြပေးလိုက်ရပါတယ်ခင်ဗျား။
လေးစားစွာဖြင့်
ကိုစိုးမိုးထွန်း (ဗေဒင်ပညာသုတေသီ)
===============================================
ဗုဒ္ဓဟူးရာဟုဖွား ၊ အမည်အဖျားစာလုံး တနင်္ဂနွေနံ ဖြင့် မှည့်ခေါ်ထားသူများ
-------------------------------------------------------------------------------------
( ဥပမာ အားဖြင့် …၀င်းအောင်၊ လင်းလင်းအေး၊ မြလွင်ဦး ၊ သင်းမြအေး ...စသည် )
အထက်အကြီးအကဲတွေနဲ့ အတိုက်အခံဖြစ်လွယ်သော ကာလပါ။ အသိမှတ်ပြုရေးအတွက် အထူးတိုက်ပွဲဝင်ရမယ့်နှစ်ပါ။ အပြောင်းအလည်းတွေကိုလည်း အများဆုံးကြုံရမယ့်အမည်ရှင်တွေပါပဲ။
ဗုဒ္ဓဟူးရာဟုဖွားအားလုံးထဲမှာ ဒီတစ်နှစ်အဖို့ အမှုအခင်းအဖြစ်လွယ်ဆုံးကံဇာတာရှင်တွေဟာ သည်အမည်ရှင်တွေပဲမို့...အထူးဂရုစိုက်ကြဖို့တော့လိုအပ်ပါလိမ့်မယ်။
တစ်ချို့သော ဒီအမည်ရှင်များ ဒီတစ်နှစ်လုံး ...ဘယ်ဟာကို ယုံကြည်ရမလဲ..ဘယ်ဟာကို မယုံကြည်ရဘူးလဲ ဆိုသည့် ...မေးခွန်းတွေကို ရင်ဆိုင်ကြရပါလိမ့်မယ်။ မိမိရဲ့ ယုံကြည်မှုတွေကို မိမိကိုယ်တိုင် ပြန်လည်ပြုပြင်လာရမယ့် ကာလများပဲဖြစ်ပါလိမ့်မယ်။
ယတြာ / တနင်္ဂနွေနေ့မှာ... ဓါတ်ခဲဟောင်းများ ၊ မီးသီးဖန်ချောင်း၊ ဒိုင်နမို စသဖြင့် ....အဟောင်းအစုတ်အပြတ်များ ရှိနေရင်....အနောက်မြောက်အရပ်ကို စွန့်ပစ်ပါ။
ဗုဒ္ဓဘာသာဝင်များအဖို့....တနင်္ဂနွေနေ့မှာ အလင်းကုသိုလ်...၊ ဆေးဝါးဒါနကုသိုလ်ပြုသင့်လှချိန်ဖြစ်ပါကြောင်း။
ဗုဒ္ဓဟူး ရာဟုဖွား ၊ အမည်အဖျားစာလုံး တနင်္လာနံ ဖြင့် မှည့်ခေါ်ထားသူများ
-------------------------------------------------------------------------------------
( ဥပမာ ၊လင်းလင်းခိုင် ၊ ဝေလွင်ကျော် ၊ မိုးမြင့်ခင်၊ တင်နီလာခိုင်..စသည်)
ဒီနှစ်အဖို့....ကိုယ်ချစ်ခင်တဲ့သူတွေနဲ့ ရင်းရင်းနှီးနှီး နီးနီးစပ်စပ်အနေသင့်ဆုံး ကာလဖြစ်ပါတယ်။ နွေးထွေးတဲ့ အသိုက်အမြုံလေးထဲမှာနေလေလေ...အေးချမ်း ..သုခ ခံစားရလေလေ နှစ်မျိုးဖြစ်ပါတယ်။ အပျော်လွန်ရာကနေဖြစ်စေ...ခရီးယာယီ သွားလွန်းရာကနေဖြစ်စေ...ကျန်းမာရေး အားနဲမှု ကြုံလာရတတ်ပါသေးတယ်။ ဒီတစ်ချက်ကလွဲရင် ...ဒီနှစ်အတွင်းမှာ ဒီအမည်ရှင်များအဖို့ ...ကိုယ်ချစ်တဲ့သူတွေဆီကနေ အကူညီအထောက်အပံ့ကောင်းတွေ .... ရလွယ်နေပါလိမ့်မယ်။ `ရာဟုဖွားတွေကတော့ နဲနဲထူးဆန်းစွာနဲ့ပဲ...မမျှော်လင့်ထားတဲ့ အမျိုးသမီး အချို့ရဲ့ ချစ်ခင်နှစ်သက်မှုကို ခံရတတ်ခြင်းကံလေးကို ခံစားကြရဖို့ ရှိပါကြောင်း။
ယတြာ / တနင်္လာနေ့မှာ....ကိုယ်ကျိုးမဲ့ အခြားသူတွေကို ကူညီပေးသင့်ချိန်ပါ။ ဗုဒ္ဓဘာသာဝင်များအဖို့တော့ တနင်္လာနေ့ သို့မဟုတ် လပြည့်နေ့တိုက်ဆိုင်နေချိန်မှာ သံဃာစီးဖိနပ် လှုဒါန်းသင့်ပါကြောင်း..။
ဗုဒ္ဓဟူးရာဟုဖွား ၊ အမည်အဖျားစာလုံး အင်္ဂါနံဖြင့် မှည့်ခေါ်ထားသူများ
--------------------------------------------------------------------------------
( ဥပမာ ၀င်းဇော် ၊ လင်းလင်းဆွေ၊ သီဟစိုး၊ မြတ်နိုးစံ ၊ ဖိုးဇော်..စသည်)
အဆိုးထဲကနေ အကောင်းပြန်ကြုံလာရတတ်သည့်အမည်ရှင်တွေပါပဲ။ ရင်းနှီးမြုပ်နှံမှုနဲ့ ပတ်သက်လို့ဖြစ်စေ... အရင်းအနှီးရရှိရေးအတွက်ဖြစ်စေ.. ဒီအမည်ရှင်တွေ ဒီနှစ်အဖို့ ကံကောင်းမှု ကြုံလာစေရတတ်ပါတယ်။ အခက်အခဲတွေ ဘယ်လိုပဲ ပါနေပါစေ...ဒီတစ်နှစ်သည် တိုးတက်နိုင်တဲ့နှစ်မျိုးလို့ ဆိုနိုင်ပါကြောင်း......။
ယတြာ / အနီရဲရဲ အရောင်ကို တစ်နှစ်တာကာလပတ်လုံး မကြာခဏ အဆင်ပြေသလို သုံးစွဲသွားသင့်ပါတယ်။ နာရီအမျိုးအစားကောင်းကောင်း တစ်လုံး ပတ်ထားသင့်သော နှစ်ပါပဲ။
ဗုဒ္ဓဟူးရာဟုဖွား ၊ အမည်အဖျားစာလုံး ဗုဒ္ဓဟူးဖြင့် မှည့်ခေါ်ထားသူများ
-------------------------------------------------------------------------------
( ဥပမာ ၊ လင်းဝေ ၊ မျိုးလွင် ၊ သင်းသင်းလဲ့၊ ဝေမာလွင်…စသည် )
ငွေ အင်မတန်လိုမယ့်ကာလပါ။ ထို့အတူ.... အကူအညီတွေ ...မိတ်ဆွေကောင်းတွေကို ဒီတစ်နှစ်အထူးလိုအပ်လာပါလိမ့်မယ်။ ဆုံးရှုံးမှုတွေ ..ဖိစီးမှုတွေ သူတို့ကသာ ကာကွယ်ပေးနိုင်မှာမို့လို့ပါပဲ။ ထို့အတူ...အခြားသူတွေကို ကိုယ်တိုင်က ကယ်တင်လိုစိတ်ကြောင့်လည်း ယောက်ယက်ခတ်နေရတတ်ပါတယ်။ ဒုက္ခရောက်နေသူတွေကို အနစ်နာခံပြီး ကိုယ်က ကယ်တင်ပေးရပါလိမ့်မယ်။ ဒီတစ်နှစ်အဖို့ကတော့ ဒီအမည်ရှင်တွေအတွက် ...ကယ်တင်စောင့်ရှောက်နိုင်ရေး သည် ပဓါန ကျနေပါလိမ့်မယ်။
ယတြာ / ဗုဒ္ဓဟူးနေ့မှာ.....မိတ်သင်္ဂဟများနဲ့ ..ပညာရှင်များကို ရင်းနှီးနွေးထွေးစွာ နေထိုင်ပြီး တိုင်ပင်ဆွေးနွေးနိုင်ဖို့ ကြိုးစားသင့်လှပါတယ်။
ဗုဒ္ဓဟူးနေ့မှာပဲ ဗုဒ္ဓဘာသာဝင်လည်းဖြစ်နေမယ်ဆိုရင်...ထိုနေ့မှာ...ထောပတ်ပါသော ဆွမ်း ကပ်လှုသင့်သော ...ကာလဖြစ်ပါကြောင်း။
ဗုဒ္ဓဟူးရာဟုဖွား ၊ အမည်အဖျားစာလုံး ကြာသာပတေးနံ ပိုင်ရှင်များ
----------------------------------------------------------------------------
( ဥပမာ ၊ဝေမာ ၊ လင်းသန့်မင်း၊ ၀င်းမြိုင်၊ ဖိုးပြည့်..စသည် )
အနှိမ်ခံစရာ အပယ်ခံစရာရှိရင် ပယ်ပယ်နယ်နယ်ခံရမယ့်ကာလဖြစ်ပါတယ်။
ဝဋ်ကြွေးဆိုသည့်စကားလုံးက သည့်နှစ်အဖို့ ...အဓိကဖြစ်နေပါလိမ့်မယ်။
ကြွေးသစ်ကြွေးဟောင်းတွေ ဆပ်မကုန်များလှစွာကို မနိုင်မနင်း တာဝန်ယူပြီး ဆပ်နေရမည့်ကာလဖြစ်ပါတယ်။
တစ်ခုသတိထားဖို့က မိမိမှာ တာဝန်ထမ်းဆောင်နိုင်စွမ်းတွေ သိပ်မြင့်မားလာတတ်ခြင်းပါပဲ။ ဒါကြောင့် အလုပ်များများ လုပ်ပါ။ အလုပ်ထဲမှာ စိတ်ပိုနှစ်ပါ။ ဆပ်စရာတွေကို ချွေးနဲ့ဆပ်ပါ။ အပြိုင်အဆိုင် စိတ်မွေးပါ။ စိတ်ခွန်အားကို မွေးမြူထားမှ ဒီတစ်နှစ်ကို ပိုမိုအားကောင်းစွာ ဖြတ်ကျော်နိုင်ပါလိမ့်မယ်။
ယတြာ / ကြာသာပတေးနေ့မှာ....မိမိ ၀တ်ထားသော ၀တ်ပြီးသားဖြစ်သော အ၀တ်အစားအကောင်း တစ်စုံကို ..အမှန်တစ်ကယ်လိုအပ်နေသူတွေကို စွန့်ကျဲသင့်လှပါတယ်။
ဗုဒ္ဓဘာသာဝင်များအဖို့....ကြာသာပတေးနေ့မျိုးမှာ...သံဃာ လေးပါး သို့မဟုတ် ၁၇ပါးကို သင်္ဃန်း ကပ်လှု ပူဇော်သင့်လှပါသည်ခင်ဗျား။
ဗုဒ္ဓဟူးရာဟုဖွား ၊ အမည်အဖျားစာလုံး သောကြာနံ ပိုင်ရှင်များ
----------------------------------------------------------------------
( ဥပမာ ၊၀င်းသိန်း ၊ လွင်မာသန်း၊ မြမှုးသွင်၊ ရွှေသော် ..စသည် )
အများစုသော ဒီအမည်ရှင်များအဖို့ ကံမကောင်းမှုထဲမှာမှ ..ကံကောင်းမှုကို ပြန်လည်ရှာတွေ့လာရတတ်ချိန်ပါပဲ။ အများအကျိုးဆောင် ..ကိုယ့်အကျိုးအောင် ဆိုသည့် ဆောင်ပုဒ်ဟာ ဒီနှစ်အတွက်ပဲ ဖြစ်ပါလိမ့်မယ်။ သေချာအကွက်ချ လုပ်ကိုင်ဆောင်ရွက်တတ်သော ဗုဒ္ဓဟူးနေ့ဖွားမျိုးအတွက်ကတော့ ဒီတစ်နှစ်ဟာ မိမိတို့ စီမံအကွက်ချထားသလို ...အကွက်ကျကျ အောင်မြင်နိုင်သော နှစ်မျိုးဖြစ်ပါတယ်။ တစ်ခုပဲ သတိထားရပါမယ်။ ရင်းနှီးမြုပ်နှံမှု ပြုရာမှာဖြစ်စေ...မိမိ ရဲ့ မွေးချင်းအငယ် ညီညီမ မောင်ညီမများကို ဆက်ဆံရာမှာ ဖြစ်စေ...သတိထားအပ်လှသော နှစ်မျိုးဖြစ်ပါကြောင်း။
ယတြာ / သောကြာနေ့မှာ....စာအုပ်စာပေ လှုဒါန်းသင့်ပါတယ်။ ( စာမပါသော ဗလာစာအုပ်အလွတ်မျိုးကို လှုဒါန်းခြင်းမျိုးကို ဆိုလိုပါတယ်။ )
ဗုဒ္ဓဘာသာဝင်များအဖို့...သောကြာနေ့မှာ ဘုန်းတော်ကြီးကျောင်းတွင် နာရီ ပြက္ခဒိန် စသည်တို့ လှုဒါန်းပူဇော်ခြင်း ပြုသင့်လှပါတယ်ခင်ဗျား။
ဗုဒ္ဓဟူးရာဟုဖွား ၊ အမည်အဖျားစာလုံး စနေနံဖြင့် မှည့်ခေါ်ထားသူများ
----------------------------------------------------------------------------
( ဥပမာ .၀င်းထွန်း၊ လင်းထက်နိုင်၊ မြမြနွယ်၊ သင်းသင်းနိုင်..စသည် )
ဒီတစ်နှစ် အိမ်ထောင်ရေး မေတ္တာရေးမှာ အားအနဲနိုင်ဆုံး အမည်ရှင်တွေပါပဲ။ အထူးသတိထားရပါလိမ့်မယ်။
ဒီအမည်ရှင်တွေထဲက ...ဗုဒ္ဓဟူးနေ့ဖွားတွေအဖို့....နေရာထိုင်ခင်း နဲ့ ရာထူးနေရာဌာန အပိုင်းမှာ အခက်အခဲ ကြုံနိုင်ပြီး ၊ ရာဟုဖွားတွေ အနေနဲ့ ကတော့ .....သူတစ်ပါးကိစ္စကြားမှာ ကြားမညှပ်မိဖို့ အထူးသတိပြုရပါလိမ့်မယ်။ ရာဟုဖွား သည်အမည်ရှင်တွေ ....မျက်နှာပျက်စရာ ကြုံလွယ်လှသည့်ကာလဖြစ်ပါတယ်။ ဗုဒ္ဓဟူးဖွားတွေလည်း ရာဟုလောက်မဟုတ်သည့်တိုင်အောင် မျက်နှာပျက်စရာ ကြုံရတတ်သောကံကို ...အတန်အသင့် သတိပြုကာကွယ်ရမယ့်ကာလဖြစ်ပါတယ်။ တူတူမ တွေ..လက်အောက်ငယ်သား အချို့တွေရဲ့ ကောင်းကျိုးပြုမှုကိုတော့ ဒီအမည်ရှင်များ ခံစားထိုက်သည့်ကာလဖြစ်ပါကြောင်း။
ယတြာ / ....ဖြစ်နိုင်သမျှ...ဒီတစ်နှစ်အဖို့ ...မေတ္တာစိတ်ကလေးကို ခါတိုင်းထက် ပိုမိုမွေးမြူပြီး နေထိုင်သင့်လှပါတယ်။ သန့်ရှင်းရေးကုသိုလ် များများပြုပေးသင့်သောနှစ်မျိုးဖြစ်ပါတယ်။ ငါးလွှတ်ခြင်း ၊ ရေလှုခြင်း၊ လပြည့်လကွယ်နေ့များတွင် သီလအထူးဆောက်တည်ခြင်းများ ပြုသင့်သော ကာလ ဖြစ်ပါကြောင်း..။
ဗုဒ္ဓဟူးရာဟုဖွား ၊ အမည်အဖျားစာလုံး ရာဟုနံ ဖြင့် မှည့်ခေါ်ထားသူများ
---------------------------------------------------------------------------------
(ဥပမာ..လင်းလင်းရှိန်၊ ၀င်းရွှေ၊ မိုးမြင့်ရှိန်၊ သင်းမြတ်ရွှေ... စသည်...)
ပညာရှင်ဆိုသူများနဲ့ စစ်ထိုးရတတ်သော ကာလဖြစ်ပါတယ်။ အဆင်မသင့်ရင် မိမိတို့ရဲ့ ဂုဏ်သိက္ခာကိုပါ ထိခိုက်သွားစေတတ်သည့် နှစ်ဖြစ်ပါတယ်။
ငွေကြေးအတွက်ဖြစ်စေ...ပညာအတွက်ဖြစ်စေ....လိုအပ်ချက်များတတ်တဲ့ကာလပါ။
ယတြာ ၊ အိမ်ခြေယာခြေမဲ့များကို ...ဒါနပြုခြင်းဟာ ဒီတစ်နျစ်အတွက် အကောင်းဆုံးယတြာပါပဲ။ ဗုဒ္ဓဘာသာဝင်များအဖို့ ဗုဒ္ဓဟူးနေ့မှာ ...အချိုပါသော ဆွမ်းခဲဖွယ် ဘောဇဉ်များကို ကပ်လှုပူဇော်သင့်သည်ဖြစ်ကြောင်း...............
ဆိုရင်းဖြင့်................................။
================
( ကျေးဇူးပြုပြီး … ကူးယူလိုသူ ရှယ်ယာလိုသော page များ ၊ web site များ ၊ ဗေဒင်ဖြင့် အသက်မွေးနေသော account ပိုင်ရှင်များ အနေနဲ့ ကျွန်တော့်ဆီမှာ ခွင့်ပြုချက်တောင်းပြီးမှ … မူရင်းရေးသားသူ အမည် ဖုန်းနံပါတ် စသည်အားလုံးကို အပြည့်အစုံ ဖော်ပြပြီးမှသာ ယူပါခင်ဗျာ။ )
အားလုံးကို လေးစား ကျေးဇူးတင်စွာဖြင့်
ကိုဖုန်း။
သုတေသီ ဝေသာလီမောင်ဖုန်း
ကိုစိုးမိုးထွန်း ( ဗေဒင်ပညာသုတေသီ )
09 789 333 791
09 318 17 287

Post a Comment
 

Posts Comments

©2006-2010 ·TNB